قال المخرج المصري خالد يوسف: إنه هيحارب علشان ميوصلش جماعة الإخوان المسلمين أو السلفيين إلى حكم مصر. وقال في مقابلة مع برنامج “الشعب يريد” على قناة “القاهرة والناس” الخميس انه مش خايف ان الإخوان المسلمين أو السلفيين يمسكوا رئاسة مصر، طالما ده طلب الشعب. لكن قال انه هيحارب بأفكاره علشان مصر تبقي دولة مدنية مش دينية، وقال ان بيدعم حمدين صباحي كمرشح لرئاسة الجمهورية؛ علشان رايه انه الأصلح لقيادة البلد في المرحلة دي. وقلل يوسف من دور الإخوان المسلمين في الثورة، وقال: إن الإخوان مش المدافعين الوحيدين عن الثورة في ميدان التحرير في موقعة الجمل، وكل شباب الثورة من كل القوى السياسية شارك في حماية الميدان، خاصة جماهير الألتراس الأهلاوي والزملكاوي . ومن ناخية تانية قال يوسف أنه بيختلف مع عادل إمام في حاجات كتيرة, لأنه كان متضامن مع النظام السابق، والمعروف عن خالد يوسف انه ضد الفنان أو المثقف اللي بيرتمي في حضن السلطة، علشان واجب علي المثقف او الفنان انه يكون معارض للنظام لو نظام فاسد. خالد يوسف شايف أن فيلمه “هي فوضي” بيجسد ثورة 25 يناير ؛ لأن المواطنين كسروا حاجز السلطة فيه، وده اللي حصل في الثورة. أتكلم يوسف كمان عن طبيعة علاقته بغادة عبد الرازق، وقال: “ان مفيش علاقة عاطفية بيني وبين غادة عبد الرازق، كنا مجرد “اخوات” بس وحب المهنة جمعنا، خاصة أني بعرف أزاي أديرها كممثلة جيدا”. وخلافي مع غادة فقد أخد أكتر من حجمه، علشان كنت بنصحها أثناء الثورة وبوضح ليها الصورة، علشان متسأش للثورة والثوار، لكن هياحكت اللي حصل بينا للإعلام وعملت أزمة، وقالت إنها قاطعتني، بس اتفاجأت بيها بعد كده بتقول إنها قفلت الموبايل في وشي وده اللي زعلني”. وأضاف “مفيش خلاف مع الفنانة سمية الخشاب.