شن أولياء الأمور علي مواقع التواصل الاجتماعي هجوماً عنيفاً علي بشير حسن المتحدث الرسمي لوزارة التربية والتعليم بسبب تصريحاته علي التليفزيون المصري والقنوات الفضائية ليلة امتحان الانجليزي حول إلغاء الامتحان في حالة تسريبه مما أدي لحدوث حالة من البلبلة والتوتر لدي الطلاب وأولياء الأمور. أكد أولياء الأمور أن التصريحات أصابت الطلاب بالإحباط وعدم التركيز خوفاً من إلغاء الامتحان بعد 10 أشهر من المذاكرة والدروس الخصوصية. ناشد أحمد مسلم المسئولين بإيقاف امتحانات الثانوية العامة لمدة شهر وتشكيل لجنة لوضع الامتحانات تحت إشراف القوات المسلحة وتشديد عقوبة الغش وإصدار قرار جمهوري بأن أي محاولة من خارج أو داخل اللجان إلي السجن المؤبد. وطالبت نشوي نبيل بضرورة إلغاء كل الامتحانات بسبب فشل المنظومة والوزارة وأن الأهالي طفحت الدم مادياً بسبب الدروس الخصوصية. أشارت نهال نور أن إلغاء الامتحان معناه أن يتحمل أولياء الأمور معاناة السنة بأكملها موضحة أن الموضوع سياسي وعايزين يعملوا بلبلة لأن الأهالي لا تقبل بالتأجيل والفاشل يتحمل نتيجة خطأه مش أولاد في بداية طريقهم يتظلموا. أضافت لمياء ممدوح يعني اللي قدروا يعملوه انهم يلغوا الامتحانات وتعب اللي ذاكروا وسهروا يروح علي الأرض وكمان تعب أهاليهم والفلوس اللي بتتصرف علي الدروس تروح علي الأرض ويأجلوا الامتحانات ويطولوا مدة الدروس علشان مش قادرين يسيطروا علي اللي بيسرب الامتحانات من عندهم مش عايزين يعترفوا أنهم فاشلين في كل حاجة. أكد محمد الشخيبي أن المتحدث الرسمي للوزارة تصريحاته مستفزة وعاوز يعمل فيها عادل إمام في "طيور الظلام" مع الوزير بس حتي في دي بيكذب علي نفسه لأنه عارف إن مصيره مرتبط بالوزير. أضافت سعاد الجوهري: امتحانات إيه اللي تتأجل حرام عليكو احنا تعبنا نفسياً واستنزفنا مادياً وأرهقنا مع أولادنا معني التأجيل يعني دروس تاني لأن الأولاد هينسو إلي خدوه وخلاص زهقنا وعاوزين نخلص حرام.