الكلمات للشاعرة "كوثر مصطفي" والأغنية ل"محمد منير" والفيلم "المصير" ل"يوسف شاهين". ولكنها تصلح كأمنيات لهذه الأيام!! ًً"ولسه لسه ياما.. في عمرنا صوتك وسط الجموع. تهز قلب الليل فرح. وتداوي جرح اللي اتجرح. لسه الأغاني ممكنة"! الكل يحب الملك "محمد منير".. غير أن السهرة الليلة مع "علي الحجار" من ميدان التحرير إلي دار الأوبرا.. دائماً وسط الجماهير. يختار هو الآخر أغانيه بمزاج وموقف سياسي. إذا غني "دين أبوهم اسمه إيه" للشاعر "جمال بخيت" يقول: "دين أبونا يا مسلمين يقيني أعز دين.. دين أبونا ولو مسيحي رحمة لجل العالمين. نصرة لكل المظلومين.. دين أبويا أي دين.. اللي أنا بقي ماعرفوش الوحوش الكروش. اللي لو طالوا رقابينا ينهشوا ما بيرحموش.. إيه يا مصر. إيه يا أرض الطيبين.. اللي حكموا في الزمن ده يبقوا إيه؟! دين أبوهم اسمه إيه؟!" * وإذا غني الحجار "عم بطاطا" "لذيذ ومعسل.. عمره ما طاطا لما الدنيا بتقسي يمثل إنه خلاص سلم لأضاه وقال إيه خلاص سلم لأضاه! عم بطاطا يزُك الزَّكة. يعبر سينا ويفتح عكا وبيصبر ع الجار السَّو خمسين سنة ويقول دول فَكَّة". ويغير الفنان من كلمات الشاعر. فيقول مرة: اصبر علي جار السو "ثلاثين سنة" في إشارة لأيام مبارك.. ثم يقول اصبر عليه "ميت يوم".. "وحتي أربع سنين".. كلها فكة! * وإذا غني "ضحكة المساجين" للشاعر الكبير "عبدالرحمن الأبنودي". يصرخ من قلبه: "تغازل العصافير قضبانها.. زنزانة لأجلك كارهة سكانها.. دوق زينا حلاوة الزنازين.. الثورة نور واللي طفاها خبيث يرقص ما بين شُهدا وبين محابيس والدم لسه مغرق الميادين.. وما فضلش غير الشوك في شجر الورد غيرك في قفصه بيضربوا له سلام وانت الجزم قبل الكفوف جاهزين.. يا عم اقعد بس واشرب شاي.. الدنيا ماشية وشعبنا نسَّاي والبركة في الشاشة وفي الجرانين.. وإذا هو هوا أعلن الأحكام.. وكل بقه نلجمه.. ومش هتغلب تطبخ القوانين.. أدي السجين اللي ما بتش حزين.. الصمت في صوته أعلي من صوتي واللي يقف في وش ثوارها. ما هيورث إلا ذلها وعارها.. واللي هيفضل ضحكة المساجين!! * ثم ضحكة المساجين "2" صوت وصورة. يتقمص فيها الحجار. أربع شخصيات. واحدة لابس فيها جنرال. واثنين مركب دقن. كل واحدة شكل.. والأخيرة بلطجي!!.. ويغني: "لسه اللي حكمونا أهُم حاكمين.. بينوب عنهم بس ناس تانيين يا أم الشهيد رجعي الدمعة.. الدنيا شايفة. وكلها سامعة.. واللي سرق هيخبي شيلته فين؟! ويتدخل الحجار بتعديل الكلام: "قال الغشيم للوردة: خبِّي اللون.. يغنيها: قال الفريق لمرسي خبي اللون.. إيش يفهم الطور في هوا البساتين؟! وهتفضل العصافير علي الشبابيك. والفجر يغني أذان الديك.. * وعندما يغني للشاعر الثائر "سيد حجاب" "بنت اللذينة" التي كانت ممنوعة يردد معه الجمهور. هنا القاهرة. الساحرة. الآسرة. الهادرة. الساهرة. السافرة. الساترة.. هنا القاهرة الزاهرة. العاطرة. الثاعرة. النيرة. الخيرة. الطاهرة. هنا القاهرة الساخرة. القادرة. الصابرة. المنذرة. الثائرة. الظافرة. بصرخ بحبك يا أجمل ميدينة ياضحكة حزينة يا طائشة ورزينة. باحبك يا بنت للذينة.. * وما زال "سيد حجاب" "72 سنة".. يكتب: "تاتا خطي السبعين" ولسه الأغاني ممكنة مع أنه يا مصر "ليه دنياك لخابيط"؟!!
