على غرار الثورة المصرية وما صحابها ومازال من "قفشات" الفيسبوكيين، على الأوضاع والتصريحات المختلفة والمستفزة للعديد من الشخصيات السياسية و العامة، قام الفيسبوكيون بإتباع نفس الأسلوب للتعليق على الثورة اليونانية، التي تشهدها آتينا في ظل فرض الاتحاد الاوروبي وصندوق النقد الدولي حالة التقشف عليها. وهو الأمر الذي جعل ما يقرب من مئة ألف يوناني يحتجون ضد تصويت البرلمان على خطة التقشف التي تبنتها الحكومة الائتلافية "بالإجماع". ولقيت الخطة تأييد الحزبين الممثلين في الحكومة الائتلافية (الاشتراكي والمحافظ) لكنها أدت إلى جدل وانقسامات تمثلت في استقالة ستة وزراء خلال الأسبوع المنصرم. لذلك استمتع معنا بأحلى القفشات الفيسبوكية عن الثورة اليونانية التي ارتبطت ارتباطا وثيقا بالثورة المصرية: - عملنا ثورة فى مصر جه رئيس تونسى منتخب .. عملنا اضراب فى مصر نجح فى اسرائيل .. حاصرنا ماسبيرو علي الكورنيش اقتحموه في اليونان !! - هى موقعة " حصان طروادة جت ؟! - النهاردة فى اليونان احتلوا وزارة المالية والقوى العاملة والتليفزيون ورموا مولوتوف على الأمن وولعوا في المباني .. ومفيش حد مات - فين الخرطوش والقناصة والرصاص الحى !؟ - نصائح مني لليونانيين .. طوبتك في ايدك ، ماسكك في وشك ، خميرتك في جيبك .. واللي يقولك الجيش حمى الثورة قطعه . - إلحق يا خيرى يا رمضان .. اليونان بتتحرأأ - رئيس وزراء اليونان يحذر البرلمان: إما خطة التقشف أو الفوضى - العيسويوس : معندناش منشآت حكومية !! - من أجل "اليونان" وزير الداخلية اليوناني : "لم نطلق خرطوساً واحداً على المتظاهرين ولكن عضو البرلمان كوستا أبو حامد يرفع الخرطوس في وجهه قائلاً أمال مين الخريستو اللي ضرب الخرتوس ... والثوار في شارع ( موخمد ماخمود اليوناني ) يهتفون يسقت يسقت خكم الأسكر :)) - اللى يحب اليونان ميخربش اليونان - قول ماتخفشى باباديموس لازم يمشى - التليفزيون اليونانى: عناصر إثارة تتجه الآن الى ميدان التحريريوس لترمى بكرات نارية من أعلى المبانى - المجلس العسكرى اليونانى حاجة والجيش اليونانى حاجة تانية خالص - الحركة السلفية اليونانية:المشاركة فى الثورة والخروج عن الحاكم حرام!! - حركة 6 اغريق تعلن مسئوليتها عن أحداث اثينا - لو احتاجوا لجان شعبية يبعتوا ياخدوا من عندنا اصل احنا بقينا خبرة - وزارة داخلية اليونان تطلب من خيرى رمضان الاماكن اللى هتتحرق عشان يلحقوا يؤمنوها قبل الثوار ما يروحوا - يسقط يسقط حكم القيصر - إلى الراجل اللي ورا عمر سليمان : جهز نفسك يا برنس عندك طلعة في اليونان - عاجل أنباء عن اعتقال الناشط السياسى وائليوس غنيموس مؤسس صفحة كلنا انطنيوس سعيدوس - ظهر مذيع يونانى يحذر من تقسيم اليونان اسمه ... توفيكوس عكاسوس - ماريا نافبلييوتو لبرنامج اليونان اليوم : احنا منهارين ..ولاد اخويا بيقولولى يا عمته ماري عايزين أفجو ليمونو .. عايزين غايروس !! انت عارف يعنى ايه عيل يبقى عنده سنة و نص و عايز أفجو ليمونو ؟؟! - أنا لسه كنت هناك في ميدان الاغريق و شايفهم بعيني معاهم مخدرات - أحد المتظاهرين التابعين ل 6 اغريق يلقي مولوتوف على قوات الأمن والمرشد اليوناني بيعلن عدم مشاركة الإخوان الاغريقيين في الثورة - من شويه سامع واحد بيقول تعالوا نروح ميدان الاغريق الجديد عشان نولع في وزارة الاغريقيين اللي علي كورنيش النيل الاغريقي جنب مبني ماغريقو للإذاعة - الاخوان المسلمون: الانتخابات أولاً .. نحمل الخير لليونان