علشان أكون واقعى ....النهارده أنا شفت أعظم شباب فى مصر فى المسيرات من الميادين ..يكفينى إنى شفت بعنيه ناس نازله من بيتها عشان شىء نبيل غير كرة القدم ..فى الوقت ده من سنتين بالضبط كنا ببنزل نشيل علم مصر عشان مجرد ماتش كوره..جو كان ملهم جدا لاقصى درجه ألاف تتجه من ميادين مصر معظمها الطبقه المتوسطه ...ولكن إتصدمت هذه المسيرات بواقع عدم معرفتهم دخول الميدان .. و عن تجربه شخصيه ,الواقع عند وصولى الى ميدان نفسه كان هناك منصتين منصه يحكمها عقل إخوانى يقرأ الفاتحه و يحتفل باللى كسبه من الثوره, و المنصه التانيه قصاده الناحية تانيه تكتب الثوره مستمره و هى عقل وصوت المسيحين يقرأوا الترانيم و الإثنين بصوت الميكروفونات التى كانت بتصطدم فى ودانى بشكل مريب ...فى النص ناس مش فاهمه حاجه نصفها و يمكن معظمها طبقه تحت المتوسطه بكل الوانها ....غير طبعا اللى فاكر ان ده إحتفال و أخر يراها الثوره مستمره و ناس كثير أوى كانو جايين من الأقاليم المدن التانيه و طبعا غير كل حاجه تتوقعها الحلو و الوحش . كل واحد خايف على البلد بطريقته ... و كله بيحب البلد ...بس النيه مش واحده .... مطلوب رئيس ..مطلوب قائد ...مطلوب إداره ..مطلوب إعلام صادق ينزل يتكلم مع الناس بدل معمال يصور من فوق الميدان زى الأهبل و جايب لقاءات مع ناس اهيف و يتكلموا على الميدان و يناقشوا و ينزل يسمع صوتهم بجد فى ناس النهارده كانت نازله عشان يتسمع صوتهم مش شباب بس,لأ كل الناس.. فى ناس راضيه ....فى ناس تانيه خالص بقى بتدفع ملايين فى شقق و فيلات و قاعدين فى تيفولى و فى سيتى ستارز ,و فى اللى مش لاقى ياكل,و فى اللى ماشى ورا ناس و خلاص إن كان مشهور أو بيقول كلمتين حلوين على تويتر أو على التليفزيون او غيره ... فى ناس كثير مفهوم الحرية مختلف عندها عن التانى بشكل واسع جدا جدا بمقايس مختلفه أوى ..مفيش وسط واضح و متفق عليه .. بس كل الأنا شايفه دلوقتى الجانب الإيجابى مش السلبى و هو إن فى إستعداد من شبابنا و صوتوا بيتنبح وسط المهزله ديه ..... و دائما بحاول أثبت لنفسى إن فيه أمل ... فى ناس راحت هدر و دمها سال ... الإنسان لا يعوض لا لأهله و لا لبلده,خلاص بقى عند ربنا فى مكان أحسن بكثير من ده ...المتاجره بإسمهم مهما كان مش هتعوض اهلهم ... المتاجره بإسم الثوره بقى أوحش حاجه إسمها حتى للاسف الثوره شوهت و كلت نفسها غصب عنها مش بإرادتها.. الطبقه الوسطه اللى معظمنا منها هى اللى نهضت بمبادرة التغيير و هى اللى لازم تبادر إنها تجر و تجبر كل الطبقات اللى تحتيها و اللى فوقيها إنها تمشى وراها ... بس ده مشوار كبير أوى و محتاج مجهود كبير اوى الصراع كبير أوى ... صراع أجيال باين زى الشمس .. صراع و ملحمه تاريخيه ..صراع بين ثورتين ..ثوره صناعيه و ثوره اليكترونيه ...ثوره تحدث فى كل العالم بس تختلف عند إختلاف الشعوب وثقافتها .الكل بيشوف بلده أحسن شعوب الدنيا ..و أكيد شعبنا ميتستهلش كل ده بس إظاهر التاريخ حكم علينا بكده طول عمرنا ... فى تواطئ واضح من المجلس العسكرى .. الموضوع فى إنا كبيره أوى ..أه فى مصر الثوره لم تنتهى و النظام متغيرش و الثوره مستمره ...بس الموضوع كبير أوى عنك و عنى و عن أى حد و بالذات بلد زى بلدنا ...ده مش كلام إنشا و لا تعبير نفسى مقولش حاجه و متكلمش و متعبش نفسى ممكن كلامى يكون معارض ناس كثير و ممكن ميتفهمش كلامى ولا قصدى كمان و ممكن ميكونش ليه أى تلاته لازمه ... ... أنا مش سياسى ولا بتنجانى ولا حتى ليا مطالب خاصه .. بس ليا حواسى أقدر اشوف بيها و أحس بيها زى أى حد عادى . و من الأخر كده البلد ديه حلها عند ربنا العالم إيه اللى هيحصل للبلد ديه فى الاخر بالضبط و هو الأكيد مليون فى الميه إنه خير بإذن الله إن كان بكره أو بعد مليون سنه بس لما فعلا " كل واحد فينا يتقى ربنا فى شغله و ماله و بيته و أهله و فى نفسه اولا و اخيرا" عشان يشوف البلد