سخر عدد من رواد مواقع التواصل الاجتماعي من حضور عبد الفتاح السيسي قائد الانقلاب العسكري مؤتمر الإعلان عن التعداد السكاني مطالبين السيسي بالإعلان عن عدد المشردين والعاطلين والمسجونين والمظلومين في عهده. في البداية قال الإعلامي عماد بحيري عبر حسابه على "فيس بوك":"امبارح النظام اعلن ان عددنا ماشاء الله بقى 104 مليون، بس مش عارف ليه اعلنوا فى نفس اليوم عن ان ديونا 79 مليار دولار، انا قلت يمكن عشان كل واحد فينا يعرف نصيبه من الديون فقلت احسبها طلع على كل واحد 760 دولار تقريبا يعنى حوالى 13 ألف جنيه , يعنى انا والعيال التلاتة وامهم مديون ب 65 ألف جنيه , شوف انت كمان مديون بكام وهتدفع يعنى هتدفع , وتحيا مصر 3 مرات".
وأضاف أحمد مختار عبر حسابه على "فيس بوك":" بناء على التعداد السكاني لعام 2017 كده وصلنا اكتر من 100 مليون نسمة الرقم ده لما تقسمه على المساحة دي والموارد المتاحة يقدر يصنع المعجزات بس لك أن تتخيل ان غالبية الشعب يعاني من عجز تعليمي معلش كلمة عجز تقيله .. بس هي في مكانها".
وأضاف مختار" شعب ناقصه تعليم و تدريب .. شعب يحتاج مساحة و بيئة عمل محترمة شعب يحتاج عدل".
واستنكرت نيرمين مجدي حضور السيسي الاحتفالية قائلة:"حضوره مؤتمر التعداد السكاني ده في واقعة غير مسبوقة لاي رئيس و المطالبة بالتركيز الاعلامي عليه لحملة مباخر التوك شو عمرو اديب و موسي ما هو إلا بداية الترويج لتأخير الإنجازات للمرحلة الجاية او اللي بعدها او اللي بعد اللي بعدها و احنا داخلين علي كشف حساب بعد اربع سنيين عجاف.. أصل الشعب بيخلف كتير و هو السبب في تأخر جميع الانجازات و هو السبب في ارتفاع الدين الخارجي بمعدل غير مسبوق و الشعب هو السبب في كل بلاوي مصر السابقة الحالية و القادمة..الشعب لازم يموت عشان مصر تعيش!!..".
وقالت ريما إبراهيم عبر حسابها على "تويتر": نفسى اعرف احتفاليه ع وكسة ايه!.