دشن نشطاء على موقع التواصل الاجتماعي القصير "تويتر" بالتزامن مع بدايات شهر الثورة يناير، تحت وسم #عصيان_وثوره_علشان، مؤكدين أن الثورة مستمرة حتى تتحرر مصر من الانقلاب وتطهيرها كاملةً. وغرد الجنتل بقول: نشيل البرلمان.. هو فين البرلمان، ده موجود يا بنى جنب الحكومه، هي فين الحكومة، دي يا بني في الدولة، ما شاء الله هو كمان فيه دولة.
وأرفق "صبحي" صورة تحت اسم: إذا لم نكن واحد راح نموت واحد واحد.
وعلق مجدي أبو حسام، الناس اللي بتقول ننزل الشارع ازاي ،اذا اعترضنا بمسيرة بنموت،لا،بنقول اهوه،خليك في بيتك،ثور وانت في بيتك،احرمهم من فلوسك.
وواصل: لو خايف من استبداد النظام ،و خايف تواجه بكلمه الحق،فقط ألزم بيتك، وسيكون ذلك بدايه انهيار الانقلاب. وغردت إيمان: زهقنا من ،البلطجة،والفساد،والمحسوبية،وانت ابن مين،وما تعرفش أنا أبقى مين،وحاجات كتير ماتتحكيش ولا تكفيها دواوين!وعلق عمرو أحمد: يوه ابتدينا و نفضل نحمس بعض و في الاخر كلنا نعمل هاشتاج #محدش_نزل اصل احنا جامدين ع السوشيال ميديا بس خجولين في الواقع.
وأضافت المشاغبة: تجيب حق اللى ماتوا ف#رابعه ،هي الحد الفاصل بين الانسانية المدنية والحيوانية العسكرية ، الشرطه ترجع لخدمة الشعب.وعلق شمس الحرية: بقينا يتامي ومتخلفين ،وركبوا الخونه علي رقبتنا ،وداسونا بالطغيان.وردت سلسبيل: تدافع عن أهلك وشعبك ،وبلدك ومستقبل أولادك وخيرات وطنك من العصابه،ال سرقونا وجوعونا وقتلونا وسجنونا.
وقال مجدى:العصيان المدنى، من أوراق الضغط الفاعله والمؤثرة،ولكن يجب، تفعيله على الارض ولو تدريجيا على الأقل.اللهم ثوره.
وغردت سلطانة: #عصيان_وثوره_علشان ،انت وانا نستحق حياة افضل،عشان ترجع بلدك المخطوفه ،اللى نهب ثرواتها المجلس العسكري،وبلحه ونظامه المرتشي الفاسد.وأضاف مغرد صعيدى: الفقراء يعرفوا يعيشوا،ولو حد قالك إن العصيان المدنى هيجوعنا وهيوقف حالنا فالناس جعانه وجابت اخرها برحيلهم هيعرفوا يعيشوا.
