كشفت آلاء الطويل شقيقة إسراء الطويل معاناة أختها بالسجن بعد زيارتها مؤخرًا، وقالت في تدوينة بموقع التواصل الاجتماعي "فيس بوك": "اسراء لما زورناها مكانتش عايزه تقلقنا وكانت بتعمل نفسها قوية وكويسة .. كنت بسألها اللي معاكي في العنبر بيعملولك حاجه ؟ قالت لا طيبين بس بيشربوا سجاير كتير ومفيش هوا". وأضافت: "اسراء بتقول لظابط عربية الترحيلات ولظباط التحقيق ' ياعمو ' !، قالتلنا ان في التحقيق قالها انتي اخوان عشان بتقول -احد واربعاء- .. كانت عايشه اول 18 سنة في السعودية فبتقولهم كده، اسراء فضلت متغمية اول 15 يوم في امن دولة لاظوغلي، في الزيارة سألتنا وودي عاملة ايه".
وتابعت: "اسراء اتحطت في ميكروباص هيا وصهيب وعمر قدام باب تشيليز بعد ما كانوا بيتعشوا، وفضلت مخطوفه 18 يوم مش لاقيينلها تهمة، اليوم ال18 بالليل جات قوة اخدت 5 لابتوب من البيت بعدها ب4 ساعات نزلوا خبر بالتهم من ضمنها انهم تحفظوا علی جهازها ولقوا عليها مراسلات لجهات اجنبية باخبار مفبركة عن مصر !!!".
واستكملت الطويل قائلة: "هوا بيكون في تهمه فبتخطفوا الناس عشان تقاضوهم ولا بتخطفوهم 18 يوم بعدها تبتدوا تدوروا علی تهمه ولو كانت مفبركة عشان تبرروا الخطف ؟؟ .. اسراء بقالها 21 يوم مش معانا".
كان والد إسراء "محفوظ الطويل" قد قال في وقت سابق إن تتبع الهاتف المحمول الخاص بكريمته أظهر أنها كانت تتواجد في مركز شرطة بالمعادي، لكن سلطات الانقلاب نفت تواجدها هناك، ثم جرى إغلاق هاتفها.
