فتح ممدوح عباس رئيس الزمالك النار على حسن شحاتة المدير الفني السابق للفريق في رحيله عن الفريق بسبب أزمته مع محمود عبد الرازق شيكابالا. وقال عباس في مداخلة هاتفية لقناة (مودرن سبورت) "كنا خلف حسن شحاتة ودعمناه بشدة طوال فترة واجده مع الفريق، ولكنه تعامل مع النادي بتعالي ورفض كل الحلول". وتابع غاضبا "شحاتة قال لحازم إمام رغم توسط ولاده أنا هسيبهالكم ومش هدرب تاني، وهو مش أكبر من الزمالك، النادي مش وكالة من غير بواب". وكان المعلم قد رحل عن قيادة الزمالك منذ شهر بعد تراجع نتائج الفريق في دوري أبطال إفريقيا وعلى خلفية خلافه مع نجم الفريق شيكابالا. وفسر عباس "في أزمة شيكابالا أيضا وقفنا مع شحاتة وعاقبنا اللاعب بخصم أكثر من ربع عقده ورغم ذلك لم يعجب الأمر المعلم". وأضاف "المعلم رفض أن يعتذر شيكابالا له عن طريق أحمد حسن أو أن يبوس رأسه أمام اللاعبين". واستطرد متهكما "نفينا شيكابالا لدبي زي عرابي لما ودوه جزيرة سيلان وبرضه معجبوش، أعمله إيه تاني أخرطه للوز عشان يتبسط". واختتم عباس تصريحاته "إزاي مدرب يحط راسه براس لاعب، وبعدين هيا مصر هتجيب كام شيكابالا".