دشن نشطاء موقع التواصل الاجتماعي "تويتر"، هاشتاج "ضد قرارات الثانوية 2016"، عقب قرار تخصيص 10 درجات للسلوك والحضور، وتفاعل عدد من طلاب الثانوية العامة مع الهاشتاج، معربين عن رفضهم لهذه القرارات. علقت سالي: "قرار زي ده يبين أن المنظومة بحالها تتمتع بنسبة من الغباء والضحك على الدقون، رجعوا الدفعات القديمة وعمموا القرار"، ورفض باسل القرار معلقا: "عايز تودينا المدرسة وتقلل من الدروس كلام جميل لكن لازم الأول توفر مدرسين عدلين يساعدوا في كدة مش أي تعقيد وخلاص". وكتب رشدي: "يعني في سنوات النقل المدرس كان في إيده 4 درجات وزللنا ومطلع عنينا بيهم، تيجي انت تحطلوا 6 كمان ليه يعني"، وقال أمير: "عندك 10 درجات وتنسيق وتصحيح، اطمن كده مستقبلك ضاع"، وعلق كريم: "هاتلي مدرسين عندها ضمير وانت هتلاقيني لازق في المدرسة". ووصفت زينب، النظام التعليمي بالفاشل، وقالت: "هي المنظومة ناقصة فشل عشان تعملوا 10 درجات سلوك، عشان المُدرس يضيع من العيل 3% عشان كيفه كده !! أفشل نظام تعليمي".