هاجمت الفنانة زينة، الفنان أحمد عز، بعد رفض النيابة دعوى إثبات نسب طفليها إليه، قائلة: "عيب قوي اللي أنت بتعمله ده، يا أحمد يا عز فضحت نفسك وفضحتنا معاك، مش رجولة أنك تحارب أطفال، وواحدة ست". وأكدت زينة، خلال مداخلة هاتفية مع الإعلامية شريهان أبوالحسن، ببرنامج "ست الحسن"، على شاشة "أون تي في"، أن قرار النيابة استشاري وليس إلزامي، مشددة على أن عز تزوجها ولديها ما تقوله بالأدلة، لكن "الناس لو عرفت الحقيقة مش هترحمك في الشارع، أنا عندي كلام كتير وبالمستندات". وتابعت زينة مخاطبة عز، بقولها "إنت صعبان عليا، رميت طفلين، روح اتبرع بالفلوس اللي بتصرفها على المحامين، لمستشفى 57357.. ومش هسيب حقي وحق ولادي من عينك، حسبي الله ونعم الوكيل فيك". وقالت الفنانة: "أنا عملت DNA كذا مرة، روح أعمل DNA، بدل ما تتصور مع الموظفات المحترمات سيلفي"، أنا محترمة أولادي إلى النهاية، والحقيقة هاتتقال في يوم من الأيام، وولادك اللي هيعرفوا ياخدوا حقهم منك، وعندي ثقة في القضاء، ومتفائلة خير".