سمعنا عن أطفال او طلبة بتسيب المدرسة ويكون الرد إن الولد او البنت مش نافعيين فى المدرسة من الأسباب فى رأيى: الولد مش فاهم ومش لاقى درس خصوصى ببلاش او بفلوس قليلة طيب لو فتحنا مراكز الشباب للدروس الخصوصية المجانية او الرخيصة و يكون فيه (متبرعين او باجر رمزى ) حصة واحد فى الأسبوع مثلا، ماهو معظم اولياء الأمور بيذاكروا لولادهم طيب هل المتبرع مؤهل للتدريس ؟؟هيبقى الحكم بعد التجربة... لو الولد فهم وإتحسن مستواه يكمل او يشوف متبرع تانى فى نفس المركز(لو متاح)—ماهو مافيش اعمال سنة او سلطة للإجبار مثلا واحد محاسب أكيد هيعرف يشرح حساب او رياضيات بالإضافة المتبرع هيكون عنده إستعداد وحب للتدريس أو هيبطل تبرع، طيب المناهج هتكون هيه هيه اللى فى المدارس بالإضافة (إذا أمكن) لبعض المهارات المرتبطة بسوق العمل للى عنده إستعداد (برامج كمبيوتر مثلا) شارك لتحقيق(تعليم+ ثقافة+ تقليل بطالة+ إحتياجات سوق العمل+ مقاومة الدروس الخصوصية) حضرتك ممكن تساعد فى المشاركة لحل ( و لو بجزء بسيط ) مشكلة التعليم و الدروس الخصوصية التعليم فى مصر اكتره حفظ طيب و الدروس الخصوصية اكترها حفظ بردوا. ممكن نعمل دروس خصوصية فيها تعليم و فهم وتعليم الطلبة ازاى يتعلموا بنفسهم التعليم هيكون سهل جدا و مؤثر لو الناس فهمت (بس كده)، و خصوصا الرياضيات و الفيزيا (سهلة جدا بس لو اتفهمت ) فيه ناس عندها استعداد (و يمكن موهبة ) تعلم و تفهم الطلبة مش تحفظهم و ياسلام لو كانوا غير مدرسين (يبقى مفيش شبهة إستغلال نفوذ) يعنى ناس شغالين فى مهن مختلفة أكيد هيكونوا عارفين متطلبات سوق العمل و يقدروا يوجهوا حتى لإكتساب صفات مهارية (i.e. Software experience & practice ) كمان لو المدرس بيعلم كويس و ببلاش او بمقابل مادى قليل ....هتتحسن النظرة للمعلم طيب سمعنا عن تعاون بين وزارتى الشباب و التعليم (دروس خصوصية بديلة عن مراكز الدروس الخصوصية، فيما يتعلق بالمراجعات النهائية ) م.محمد "مواطن عادي"