شن الإعلامى محمود سعد هجوماً شديداً على سعد الحسينى محافظ كفر الشيخ بسبب نزوله إلى الشارع مرتدياً «جلابية»، كما لام عليه تصريحاته بأن مهمته هى «هداية الناس»، وقال سعد، فى برنامجه «آخر النهار» على فضائية «النهار» «لبس الجلابية مقبول فى دول الخليج أو فى صعيد مصر، لكن أنت رجل مسئول تلبسها ليه فى كفر الشيخ»، مطالباً المسئولين بضرورة محاسبة الحسينى على تصرفه، قائلاً «ده تصرف يعاتب عليه سعد الحسينى، بكره الصبح نلاقى الموظفين كلها رايحة الشغل بالجلابية». وأضاف سعد: «إنت جاى تحكم كفرة، إحنا مسلمين، إنت مش أحسن مننا عشان تعلّمنا الإسلام، إنت وظيفة سياسية تشوف خدمات الناس وطلباتها، وكفر الشيخ كلها متدينين، إنت عندك مشاكل متلتلة، خليك فى مشاكلك وسيب الدعوة للمتخصصين»، وأضاف «إحنا أول شعب عرف ربنا قبل الأنبياء، مش محتاج المحافظ ولا غيره عشان يهديه». عاب عليه عبدالله داود قائلاً: «عيب يا أستاذ محمود» وهو ما قاله مصطفى إسماعيل عبدالعزيز: «عيب عليك كنت باحترمك»، أما محمد محمود عبداللطيف فكتب: «واحنا أخدنا أيه من اللى لابسين بدل غير السرقة، اسكتوا شوية خليهم يشتغلوا وحاسبوهم فى الآخر»، واتفقت معه القارئة ندى إحسان فى عبارتها التى وجهتها لمحمود سعد: «يا أستاذ محمود ماتحاولش تخسر محبّيك حاول أن تتغافل عن صغائر الأمور، مفيش حاجة الراجل راجع من صلاة الفجر كان ممكن يروح بيتهم ينام لغاية مواعيد العمل الرسمية لكنه استن سُنة حسنة، وبعدين الجلابية مش عيب والاّ عندك رأى تانى؟».
