تسائل الرئيس عبدالفتاح السيسي، هل كل مزارع في الأراضي التي يجري استصلاحها في سيناء لديه حيازة ومقننة إجراءاته ولدينا بياناته بمحافظته؟، مشددا: "لازم تكون البيانات موجودة وبدقة.. الموضوع ده لازم يبقى ليه اهتمام كبير من الدولة، ووزارة الزراعة وتدعم المزارعين هناك، واللي يهمني أكتر بياناتهم". وأضاف الرئيس، خلال حديثه بحفل افتتاحه محطة معالجة مياه الصرف في المحسمة بالإسماعيلية: "لما أخدنا مسار ترعة السلام كنا بندور على مسار محطات الرفع فيها متبقاش كتير وعاوزين المياه تنساب من غير تكاليف، والمسار الساحلي هو اللي كان مطروح للشغل.. ومحطة المعالجة لتوصيل المياه في بعض مناطق سيناء اتقال هنحتاج محطات رفع كتيرة جدا". وتابع السيسي: "بقول للمستثمرين إحنا عملنا اللي فوق طاقتكم المادية وهيكلف تكاليف كتيرة جدا واللي كان بيخليكو تقولوا التكاليف مش هنقدر عليها.. قولنا هنعمل محطات رفع ونوصل المياه للأراضي القابلة للزراعة في سيناء.. أرجو من الجامعات تساعدنا ونتأكد من جودة الأرض، ولو في مليون فدان في سيناء هنزرعها ولو عاوزين مصارف وترع هنعملها في سنة.. إحنا مش هنبطل شغل".