بعدما هاجمت الفنانة داليا البحيري، المواطنين الذين خالفوا حظر التجوال، واستخفوا بانتشار فيروس كورونا عبر النزول في الشوارع، وذلك عبر تدوّينتها عبر صفحتها الشخصية بموقع التواصل الاجتماعي الفسبوك قائلة: "مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه". وتابعت: "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية". انهالت التعليقات الغاضبة من قبل عدد من أصحاب العمالة غير المنتظمة على تلك التصريحات عبر الصفحة الرسمية لموقع "الوطن" على فيس بوك، والتي جاءت كالتالي:- وبتهكم، كتب حساب يدعي "Ahmed Sayed": "بنخرج وكمان بنتفسح؟"، مع وضع صورة ككوميكس للفنان نور الشريف أثناء تأديته لدور عبدالغفور البرعي بمسلسل "لن أعيش في جلباب أبي". فيما كتب حساب يدعي "Nashwa È Mohsen": "كل الناس عايزه تقعد بس حد يصرف عليهم وياكلهم ويجيب طلباتهم محدش غاوي يتعدى". فكتب حساب يدعي "Yousuf Tantawy": "العماله خدوا 500 جنيه، مش كلهم ومش هيكفوا، واللي شاغلين ف شركات خاصه وبينزلوهم يعملوا ايه سيادتك زعلانه ع حبستك". وكتب حساب باسم "Mostafa Sayed" تعليقا على تصريحها الأخير "حضرتك تفتكري ان العمالة اليومية بتخرج الصبح علشان تجيب فلوس تتفسح بيها بالليل". وكتب صاحب حساب يدعي "Nona Feto": "أنتي لو كان عندك تصوير كنتي هتعملي ايه ،عل الأقل أغلب الناس نازلة تشتغل لكن، أنتي بتمثلي يعني مش بتعملي حاجة". وكتب حساب يدعي "Ramy Mobasher": "ما انتي مش حاسه بالغلابه تضربيه بالشبشب أحسنتي قولا". وقال حساب "Tarek Mohamad Elwzan": "أدى إهانه فى حق العمالة الغلبانة، دى يتقدم فيها محضر وشكوى للنائب العام عشان تتجزى". وقالت "Jolia David": "هما بتوع العمالة اليومية خارجين يتفسحو ده ربنا اللي عالم بيه". وقالت "زينب ابراهيم": "أنتي محبوسه برضه الكمبوند اللي ساكنه فيه مش بتنزلي تجري حواليه وتتريضي مشي وجري وترجعي تقعدي في الحديقه بتاعت ڤلتك، مالكيش دعوه بالغلابه العمال اللي مش لاقيين قوت يومهم سبيهم في حالهم هما مش عارفين يدفعوا الايجار ولا أكل ولادهم". وكتبت "Nashwa Gamal": "على فكره عيب جدا، أنتي بتقولي كده علشان معاك فلوس تكفيك أنتي وبنتك لو قعدتى سنين ف البيت غيرك مش لآقي يأكل عياله والناس البيشختلهم الفلوس هما البيتفرجو عليكى وببعملو ليكى انت وامثالك سعر كنت بحبك ياخسارة".
