وسط الظلام والعتمة، خرج محمود محمد مع جيرانه، بقرية الميمون بمحافظة بنى سويف إلى الشارع، يمسك بين يديه لمبة جاز تنير له الطريق المظلم.. فكرة الشاب الثلاثينى التى شاركه فيها أبناء قريته جاءت اعتراضاً على تكرار انقطاع الكهرباء بالساعات فى الفترة الأخيرة «بقينا نقعد فى الضلمة أكتر من 6 ساعات فى اليوم، ضلمة فى البيت وضلمة فى المحل وضلمة فى كل حته أروحها، فقلت نخرج بلمبة الجاز منها نرجع أيام زمان ومنها الحكومة تحس بينا». وضح «محمود» أن فكرة الخروج فى الشارع بلمبة الجاز، جاءت له بعد حالات المعاناة التى يعيشها فى قريته «هو إحنا هنا عشان غلابة ومحدش يعرف عننا حاجة يقطعوا علينا النور بالساعات، مش كفاية أيام مرسى والسنة اللى عشنا فيها ضلمة من كل حاجة، إحنا هنا بنحب السيسى وبنقف جنبه، وهنفضل واقفين فى ضهر الجيش والشرطة ضد الإرهاب اللى فى البلد بس لازم يحسوا بينا». وأضاف «محمود»: «بحب حكومة محلب جداً وشايف أنهم بيشتغلوا بضمير، وهيعملوا حاجة كويسة فى البلد حتى لو الوقت اللى هيقعدوه قليل، عشان كده فكرت إنى أجمع الأهالى، ونخرج بلمبة الجاز عشان يوصلهم إننا تعبنا وياخدوا بالهم مننا أكتر من كده، زى ما بيروحوا للناس وبينزلوا الشوارع ييجوا لينا ويشفونا عايشين إزاى».