قال الرئيس عبدالفتاح السيسي إنه "ماكنش حد في المنطقة ولا في مصر يقبل اتفاقية السلام من الرئيس أنور السادات، ماحدش كان شايف كتير من اللي شافه السادات وهو بياخد القرار ده، ورد الفعل للموضوع والرئيس السادات كان لوحده وكان عنده ثقة في ربه عشان ياخد أرضه ويستعيد وطنه ونجح، مكانش فيه كتير مؤمنين بفكرة السادات ساعتها لما تشكل وعي جديد وفكر آخر". وأضاف السيسي، خلال كلمته في الندوة التثقيفية للقوات المسلحة اليوم: "التحدي الموجود قدام مصر هو تماسك الدولة المصرية والتحدي مش خارجي، التحدي داخلي، إزاي تأكلوا بعضكم، إزاي تموتوا بعضكم وتكسروا بعضكم، اصحوا انتبهوا وهو ده الدرس الجديد بقا اللي إحنا محتاجين نفضل كلنا حكومة مواطنين شعب مفكرين مثقفين إعلاميين، إذا كنتوا خايفين على بلدكم بجد". ويشهد الرئيس عبدالفتاح السيسي، ندوة القوات المسلحة التثقيفية بمناسبة الذكرى ال36 لتحرير سيناء، والتي تنظمها إدارة الشؤون المعنوية، بحضور الفريق أول صدقي صبحي وزير الدفاع والإنتاج الحربي، والفريق محمد فريد رئيس أركان حرب القوات المسلحة، إضافة إلى عدد من قادة وضباط القوات المسلحة والشرطة وكبار رجال الدولة.