"إزاي تبطلي تفكير في حد في خطوات كتيرة" - إنتِ تكلميه عادي جدا -ده لو في بينكم كلام يعني- استعدادا للي جاي. - بعدين تقعدي تكدري نفسك "أنا ليه قولت كده" والجو ده.. طبعا هتتضايقي، افتكري بقى كل حاجة وحشه في حياتك. - اعملي له unfollow على ال facebook، بحيث إنه يفضل موجود بس مش موجود -زي أنا عايش ومش عايش-، وهتفضلي تراقبي بروفايله أول 3 أيام عادي. - متحاوليش تتواجدي في مكان هو فيه أبدا.. اعملي من بنها، ده لو شوفتيه. - كرري جملة الست كتير في دماغك "هجرتك يمكن أنسى هواك"، والأغنية كلها ماشية مع الموقف. - هنا هتلاقي الصدف بتلعب لعبتها، وصحابك كلهم هيجيبوا سيرة الشخص ده حتى لو بيقولوا إنه كان عنده برد، وهتشوفيه كتير صدقيني، حتى لو قاعدة في دولاب المطبخ.. مش بعيد تلاقي اسمه على الحيطان في الشوارع وفي أسامي المحلات.. ده قدرك نستحمل بعض شوية. - بالنسبة بقى لما حد يكلمك عليه، عايزين أعصاب حديد واتكلمي عادي ولا كأنك تعرفيه عادي، عادي مجرد شخص. - عايزة تقولي له حاجة قولي له، أو اكسري الهيبة. - التلقائية علاج حلو جدا في الحالات اللي زي دي. في كل ده أنا ماعرفش فعلاً تبطلي تفكير إزاي.. لكن أدعي أن أي قرار لازم يكون من جواكِ إنتِ بس. وما باليدِ حيلة والسلام عليكم ورحمة الله وبركاته.