تفقد الدكتور خالد عبد الغفار، وزير التعليم العالي والبحث العلمي، معهد تيودور بلهارس، صباح الأحد، للوقوف على طبيعة عمل المعهد، وإزالة العقبات التي تواجهه. وافتتح الوزير، خلال زيارته للمعهد، عددا من المنشآت البحثية، التي تم الانتهاء من إعدادها، لتكون صرحا كبيرا للبحث العلمي، والباحثين. وتجمهرت مجموعة من الممرضات في معهد أبحاث تيودور بلهارس بدعوى منع مدير المستشفى التابعة للمعهد، الدكتورة خالدة رضوان، لهن من تقديم شكوى جماعية في أثناء جولة الدكتور خالد عبدالغفار وزير التعليم العالي والبحث العلمي، في المعهد، وتوقيع جزاء بخصم يومين من راتب الممرضات لتجمهرهن بالدور الأول، بعد انتهاء زيارة الوزير. قالت إحدى ممرضات معهد بلهارس: "من 2015 واحنا بنتكلم على الكادر، إحنا دوخنا علشان الكادر، رحنا وزارة الصحة وأكاديمية البحث العلمي ووزارة المالية، وأي حد يقولنا على أي حتة نروح فيها روحناها، ولغاية دلوقتي إحنا مش منصوفين في أي حاجة، وزارة الصحة أخدت الكادر من حوالي 3 سنين وإحنا مفيش، بياخدوا بدل عدوى 450 جنيه وإحنا مفيش" . وأكدت ممرضة أخرى: "إحنا مش عايزين نعمل إضراب علشان خاطر العيانين هما مفكرينا خايفين، لكن دا مش حقيقي، إحنا تبع البحث العلمي مش تبع وزارة الصحة علشان كدة مش راضيين يدونا الكادر". وتابعت أخرى: "أنا واحدة من الناس رئيسة المستشفى قالتلي إنتي عليكي يومين جزا علشان قلتي إن دكتور يوسف قالك إن رئيس الوزرا رفض، وده حصل فعلا". وقالت ممرضة أخرى بأسى: "وزارة الصحة هي اللي بتوزعنا على هنا، والجامعات كلها واخدة الكادر ووزارة الصحة واخداه، والقصر العيني كمان، إحنا بس اللي مبناخدش أي حقوق".