فينك يا راجل بقى طال انتظارنا ليك مع قرار حبسهم ملايين بتشكر فيك طالع عليناجنابه ظابط كلامه وشيك كأنه جايب لنا حمام ومحشى فريك *** شهور وعدت بنا وكل يوم نستنى إمتى جنابه يطب ويسيب قصور الجنة ويشرف عنابر طرة ويعيش شوية مكاننا قرص الناموس يروشه وكفاية حتى الزنة *** متزعلش منا يا ريس هتلاقى باقى الشلة صفوت وعزمى وجيمى وكمان فيه واحد فلة عز بجلالة قدره وخمورجى شارب حلة وسرور دا زى العسل فى جلسته تتسلى جلساته كانت نكت إرفع إيديك يلَّه *** يا ما حبست البشر إدخل معاهم شوف بياكلوا فول بالحصى كما بياكلوا خروف وحاجات كده تقرفك إظلط يا عم وزوف لا طيارات تخدمك ولا أكل جاى ملفوف حاجة من ظلمك لنا ما تدوق يا خى وشوف بإيه يفيد الندم تلطم وشوش بكفوف