سخر النشطاء على موقع التواصل الاجتماعي "تويتر"، من هاشتاج أسسه نشطاء بعنوان "إنت ليه مش إخوان"، حيث توالت آلاف التغريدات للرد على السؤال. وجاءت التغريدات الساخرة، للرد على السؤال كالآتي، "علشان العين صابتني ورب العرش نجاني" "علشان أنا فلول قديم" "علشان أنا أخ واحد" "خلقة ربنا بقى هنتعرض ولا ايه. الحمد لله" "علشان بحب الجبنة النستو" "وليه أكون إخوان؟" "مش بربي دقني" "عشان أنا مش شاطر"، "عشان دقني بتطلع من ناحية واحدة"، "برافو.. أنا سعيد جدا إنك سألتني السؤال ده". لكن بعض النشطاء، قرروا استخدام الطريقة الهجومية، معللين عدم انتمائهم لجماعة الإخوان المسلمين بأسباب سياسية، وجاءت التعليقات على النحو الآتي: "عشان طول عمري بصون العهد وبوفي الوعد مهما حصل" "علشان ولائي لأفكار مش أشخاص" "عشان لسه عندي أمل حق الشهداء يرجع" "علشان مابستغلش القرآن الكريم في أني أضيع أصوات الهتافات اللي ضد العسكر" "علشان مقدرش أزور إرادة الشعب بالزيت والسكر" "عشان عايزة ابني يطلع فاهم دينه مش حافظه" "علشان لا يدعون إلى سبيل الله بالحكمة والموعظة الحسنة والجدال بالحسنى بل غلظة ثم غلظه ثم غلظة ثم تكفير" "لأني مش بروح أهجم على معتصمين مسالمين وأضربهم وأقلعهم هدومهم وأسحلهم وأقتلهم.. وأرجع أقول اللي ماتوا إخوان" "أي مصري مخلص مستعد يضحي بحياته عشان مصر لكن الإخوان مستعدين يضحوا بمصر عشان خاطر الجماعة والعشيرة" "علشان لما ناس من أهلي يموتوا همي الأول مبيكونش النباتات" "لأنى غير مؤمن بقتل المصري المختلف معي سياسياً" "عشان مفيش حاجة اسمها التزوير في سبيل الله".
