قال اللواء عمر الفرماوي، مدير أمن 6 أكتوبر الأسبق، عقب حكم البراءة اليوم، "قضيت 44 سنة في مجال الأمن العام، لخدمة الوطن بشتغل لخدمة الشعب وللناس لأننا اتخرجنا من الكلية واقسمنا على ذلك وده اللي احنا عملناه بفضل ربنا علينا". وأوضح الفرماوي، في تصريح له عقب النطق بالحكم، "الإعلام كله مدققش في المعلومات اللي عنده، بخصوص التهم الموجهة لكل شخص على حده وخلط التهم جميعا، وهذا ماحدث لي، حيث أني وفق كلام الإعلام، متهم بالقتل والفساد المالي، وهذا غير صحيح، فتهمتي هي جنحة في إهمال في حماية مراكز الشرطة، وحماية المتظاهرين". وتابع "مفيش ولا متظاهر قتل في أكتوبر، وبفضل الله الأقسام حرقت ولم يقتل متظاهر واحد، وأكتوبر خارج مدن الفوضى وقتها، وقولت قبل كدا أفضل لنا أن نستشهد في الميادين والشوارع ولا يقتل مصري واحد أو يشعر بالرعب". ولفت "اللي حقق في القضية لم يدقق جيدا لأنه لا يعرف شيء، في اتهامي بالإهمال في الحراصة أم لا، وهو لم يعلم أني عززت كل الحراسات على جميع الأقسام والمراكز، وكل الميادين والتجمعات الشعبية، وطول عمري واثق في نفسي لأني ماشي بالقانون وعملي، وقريب من ربنا، ومعنديش شك إن ربنا هيظهر الحق لأنه اسمه الحق العدل". واختتم "أقول للشعب خلوا بلكم من بلدكم ولا تسيروا وراء الإشاعات والأقاويل وكلام مواقع التواصل الاجتماعي التي تثير المشاعر وتصنع البلبلة لأن هدفها وجود خلافات دائمة واقتتال دائم وإن البلد تتراجع.. خلوا بلكوا من بلدكم وولادكم وخليكوا إيد واحدة لأن ربنا قال "واعتصموا بحبل الله جميعا، عايز أركز مع ربنا لأن الشغل لم يمكني من العبادات والحج.. هاتفرغ لأسرتي وعبادة ربنا".