شن توفيق عكاشة مالك قناة الفراعين هجوما لاذعا على السفيرة الأمريكيةبالقاهرة آن باترسون، مدعياً إنها أرسلت خطابا حذرت فيه قناة النيل للأخبار من الاستمرار في بث البرامج التي تضر بالعلاقات المصرية الأمريكية. ووصف "عكاشة" خلال برنامجه " مصر اليوم " مساء الأمس، السفيرة الأمريكية بأنها شقيقة مسيلمة الكذاب، معلقا على تأكيدها حرص الولاياتالمتحدة على حفظ السلام بمشاركتها ضمن القوات المتعددة الجنسيات فى سيناء، كما هاجم عكاشة الرئيس المخلوع مبارك واصفا اياه بأنه موظف بدرجة رئيس جمهورية، كما اثنى على الرئيس الاسبق السادات قائلا" أنور السادات كان لعبكوا ع الشناكل، كان خلى غيرك يغنى ظلموه، لغاية ما قتلتوه بايدين التيارات الإسلامية بكتب سيد قطب، مين اللى كان بيصرف عليه عندكو .. أنا مجهز لك السواد والكبابى بتاعة الكانون اللى فى البلد ". واستمر "عكاشة" فى هجومه على السفيرة الأمريكية قائلا" والله لأجيب واحدة سهنة من البلد تخليكى تكلمى نفسك وانتي نايمة بالليل، بس هما عندهم حق اللى يلاقى إمارة وميتأمرش يبقى ما بيفهمش واللى يلاقى حمار وميركبش يبقى ما بيفهمش واللى يلاقى بغل وميقعدش عليه ويهز رجليه يبقى بغل زيه، البلد بقيت هفية، الولية دمرت البلد وباعته خطاب شديد اللهجة إكمنه تليفزيون حكومى " و حذر"عكاشة" السفيرة الأمريكية قائلا" أنا بحذرك يا سفيرة أمريكا إذا سمعت إنك بعتى جواب لأى مؤسسة إعلامية قسما بالله الذى خلقنى لأقعدلك أسبوع أحشد لك بمليونية وهاجى لك عند السفارة مانا ماشي لحد ما تمشي لو بعد ميت سنة، وهجيب لك التليفزيون الروسي والكوري والصيني يوم المليونية، هجيب لك الضراير بتاعتك واقعدى فرحانة فى جامعة القاهرة حاطة رجل على رجل ومبسوطة ومرسى ع المسرح".