انسحبت القوى الثورية والسياسية المشاركة فى تظاهرات اليوم الجمعة بدمياط. فبعد ان أكد بعض العمال على فقدان الرئيس مرسى لشرعيته، وقال بعضهم نطالب بنزول القوات المسلحة لتنقذ جمهورية مصر العربية من حكم جماعة الإخوان المسلمين وقال الجيش مستنى ايه ده مش مطلب محافظة دمياط فقط ولكنها مطالب مدن بورسعيد والإسماعيلية والسويس لازم الجيش ينزل ويرحم الشعب من الذل اللي احنا عايشين فيه، وهتف عمال قريه كفر حميدو واحد اتنين حق العمال فين والجيش المصري فين المفروض ان الرئيس مرسى كان يبدء برئاسة قرية مش دولة كبيرة زى مصر محمد مرسى مجرد رئيس حبر على الورق والذي يحركه هو مكتب الإرشاد وخيرت الشاطر.
وقال أخرون: لابد من نزول الجيش لكي يرحمنا من ظلم وطغيان جماعة الإخوان المسلمين مبقيناش عارفين نعيش ولا ناكل ولا نشرب، الغلاء حرق قلوبنا خلاص إحنا كنا بنتسرق أيام مبارك بس كنا عايشين أحسن من كده".
وبمجرد الهتاف بأصوات عالية بنزول الجيش لتولى مقاليد الحكم حدثت بعض المشادات بين المتظاهرين وهو ما دفع أعضاء أولتراس أهلاوي وشباب حركة 6 إبريل والاشتراكيون الثوريون لرفض هذه الهتافات، مؤكدين رفضهم عودة حكم العسكر، ويطالبون بمجلس رئاسي وطني توافقى لتولي شئون البلاد، وتأجيل الانتخابات البرلمانية.