فتح الفنان أحمد العوضي قلبه للجمهور وتحدث عن رأيه في مصطلح السينما النظيفة وحرمانية الفن مشيراً إلى أنه لا يرى أن الفن حرام بالمطلق، وذلك خلال تصريحات تليفزيونية أخيرة له. تصريحات أحمد العوضي عن السينما النظيفة وخلال لقائه ، قال العوضي :"بالنسبة للناس اللي بتقول الفن حرام، كل واحد حر يقول اللي يقوله، بس أنا عن نفسي شايف إن الفن مش حرام بالمطلق، أصل الممثل ده مش بيبيع منكر". وواصل حديثه :"شايف إن الممثل بإيده يخلي الفن حرام أو مش حرام، وده عموماً في كل الشغلانات، الصحافي والدكتور ممكن يخلّي شغلانته حرام أو مش حرام، لكن فيه شغلانات هي فعلاً حرام مهما حاولت تجمّلها. الفن يكون حرام لما تقدّم حاجة مش صح والشباب تقلّدك فيها، تخلّيهم يروحوا في اتجاه غلط". ولفت :" الفن بيكون نوع من الترفيه، مع إضافة موعظة فيه، لكن مش إن يكون العمل كله مواعظ، لأني لو عايز أوعّي الجمهور بشكل كامل أروح أعمل برنامج أحسن". كما تابع حديثه كاشفاً تأييده للسينما النظيفة مشيراً :"أنا مؤمن إن في حاجة اسمها سينما نظيفة، لأن إيه المشكلة إني أعمل فيلم من غير ما أخدش حياء المشاهد، بس في ناس بتطلع تقول إن السينما سينما ومفيش حاجة اسمها سينما نظيفة، وإن لو مش عاجبك السينما بكل حالتها يبقى سيب الشغلانة، لأ مش هسيبها، وهفضل مقتنع بالمصطلح ده". واستنكر :" لو مفيش سينما نظيفة يبقى مش هيكون في فرق بين السينما بتاعتنا وبين سينما المنصات العالمية، اللي بتشجع على موضوعات أنا محبش ابني أو أخويا الصغير يتفرج عليها". وأنهى حديثه معبراً :"المشاهد بيشوف بالفعل، في الشارع ناس بتضرب بعض، وأفلام الأكشن موجودة من أيام ما اتوجدت السينما، ولما أقول أحلى على الأحلى فده لا يسيء للذوق العام في حاجة". ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا
