انفعل الإعلامي عمرو أديب، على الهواء في مقدمة حلقة برنامجه بسبب بعض المشككين في انتصار حرب 6 أكتوبر. وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة. "بستغرب من فئة من الناس تعشق أنها ترمي عليها التراب". وأضاف "كل سنة زي دلوقتي ندخل في حوار من أغبى ما يمكن وأتحدى أي بلد في العالم عندها الحوار الغبي بل إني أقول في دول خلقت حوارًا ذكيًا عن الغباء اللي بيجري عندنا". وتابع "فيه ناس بيقولوا مكنتش انتصار يا جدعان ده في دول حولت هزائمها إلى انتصار مش تبقى منتصر وناس عندك تعمل فيديوهات وتشكك في هذا الانتصار". واستطرد "فيه جيل اللي موجود محضرش الحرب عندك ايه تدهوله ايه اللي أنتوا بتعملوه. فرنسا كانت محتلة من النازية شوفتوا وهما كانوا على الأرض وأفلام اللي عملوها الروس عن حروب الحرب العالمية الثانية". وأردف "والأمريكان وحروب نورماندي سؤال في وسط هذا الغباء هو أنت عبرت ولا لا؟ هديت المانع الترابي ولا مهدتوش". واستكمل حديثه "تخيل كده لو جيت تعبر راح خط باريف انفجر وغرق وموتت كل الناس اللي بتعبر الحرب دي لو كانت انتهت بغير كده ونيجي وقت الانتصار ارمي تراب". وأوضح "الراجل ده أخذ قرار بعد النكسة وحط روح البلد على ايده والناس تعبر ويقولوا الله أكبر. الواو عند الإسرائيلي عملاهم التهابات وتسلخات لغروره شوفوا صورة المجندات وهما بيخرجوا من سيناء ويبكوا". وتابع "احترموا الناس اللي استشهدت والناس اللي اتهجرت في مدن القناة. والشعب اللي عاش على حد الفقر احترموا كل التضحيات وكل القادة والعبقرى وتاريخك يا أخي".
