حرصت أسما شريف منير، على التعليق على أخبار خلافاتها مع والدها الفنان شريف منير، قائلة: "مش بتتخانقي مع باباكي ومامتك؟ نزلي صورة عشان الناس زاطت أوي، وكبرت الموضوع خالص".
أضافت أسما، خلال التصريحات التلفزيونية، "بصي مفيش حاجة أبويا هو سندي وضهري وكبيري وهيفضل كدا".
وكانت انتشرت خلال الساعات الماضية العديد من الأخبار التي تفيد بوجود خلافات بين الفنان شريف منير وابنته أسما.
ليرد شريف، على هذه الأخبار من خلال حسابه الشخصي بموقع تبادل الصور والفيديوهات "انستجرام"، حيث نشر صورة لها برفقته معلقا عليها: "أنا مش عارف ليه في ناس حاشرين نفسهم بيني وبينك.. ما يعرفوش إنك قاعده جوه قلبي".
وكانت وجهت المذيعة والبلوجر أسما شريف منير رسالة إلى جميع السيدات التي يمرون بنفس تجربتها بعد انفصالها عن زوجها الفنان محمود حجازى، عبر فيديو على حسابها على "إنستجرام".
وكتبت قائلة": أول مرة انفصلت واتكلمت في موضوع طلاقي ساعد ستات كتير انهم يحسوا إنهم مش لوحدهم و انهم ممكن يقفوا علي رجليهم تاني و يشتغلوا و يتخطوا الالم، و لما اتجوزت و كنت مطلقة و معايا بنت حسوا ان في امل و انهم مش معيوبين و لا ناقصهم حاجة عشان يستخصروا في نفسهم السعادة و بداية حياة جديدة لأنه ده حلال ربنا".
وتابعت:" مهما المجتمع بيصعب الامور علي المطلقة أو الأرملة أو الست اللي "اتأخرت في الجواز" ده حق ربنا اداهولنا عشان عارف اكيد ان ممكن ناس متكملش مع ناس او تتعب في علاقة مع حد، و حالياً بعد ما القصة اللي أدت ناس كتير أمل ان في حب وعوض انتهت، ناس كتير بعتتلي أن الخبر خلاها تحس بيأس و في ناس أحبطت و ده وقفني لحظة كده و حسيت بمسؤلية، طيب نرجع بقي للشهرة اللي ربنا ادهاني اكيد ليها سبب اكيد في سبب لوجودي في الدنيا فا قولت لازم اقول الكلام ده و هو من اعماق قلبي".
وأضافت :" بعد اللي حصل اكيد زعلانه و اي فراق بيكون وجع و بيسيب فراغ و بيعمل برجلة، بس ساعات بيكون سيناريو رباني لسبب اكبر مننا احنا مش فاهمين ليه دلوقتي بس بنفهم قدام".