أعرب الفنان الشاب رامز أمير، عن سعادته بالخبرات الفنية خصوصاً الأكشن الذي تعلمه من النجم أحمد السقا، حيث قام بنشر صورتين تجمعهما عبر حسابه الشخصي بموقع تبادل الصور الشهير إنستجرام. وكتب "رامز" تعليقاً على الصورتين قائلاً: "اسف لو هطول عليكوا شوية بس نفسى اقول كلمتين من قلبى لنجم هو اللى ليه الفضل الاول انى احب الاكشن.. يمكن الناس متعرفش و احمد السقا نفسه ميعرفش، بس حبى للتمثيل وللاكشن بدأ معايا لما شوفت "شورت وفنلة وكاب" ومن ساعتها و بقى هو البطل بتاعى اللى نفسى ابقى زيه.. حبى ليه هو اللى خلانى امثل، هو اللى خلانى اعمل اكشن". وتابع: "انا بدون مبالغة اتفرجت على فيلم فيلم لاحمد السقا حوالى عشرين مرة و يمكن اكتر.. السقا بالنسبالى مش بس نجم الاكشن الاول، السقا نجم هفضل اتعلم منه كل يوم، بتعلم من نجوميته وبتعلم من اخلاقه.. هفضل طول عمرى من معجبينك يا نجم مصر الاول".