اصطحب فريق من النيابة العامة "أحمد" المتهم بقتل أطفاله الثلاثة، بمساعدة والدتهم وزوجته الأولى بمنطقة المرج فجر أمس، عاد وأجرى المتهمين الثلاثة "الأب والأم وزوجة الأب"، تصوير الجريمة بالكامل، وقال الزوج أمام فريق النيابة "أنا مقتلتش عيالي، أمهم هي اللي قتلتهم، أنا كانت مهمتي أرمي جثثهم في الرشاح، ومراتي العجوز دي شيطان، كنت مغيب عن الوعي، وأنا بكره مرتاتي الاتنين، واحده عجوزة والتانية بكرهها بس بتصعب عليّا". واعترف المتهم فى محضر الشرطة: "الفقر هو اللي خلاني أتجوز واحدة ست أكبر مني ب22 سنة، عندها 55 سنة، عشان فلوسها وتصرف عليّا، أنا فقير، واتعرفت على مراتي هالة وعشت معاها في شقة، وطبعا مفيش خلفة، بالصدفة اتعرفت على إيمان، كانت لسه متعرفش حاجه في الدنيا، غلبانه بس غبية، دخلت عليها بالحب والكلام المعسول، وده كان فى 2008 تقريبا ..مراتي العجوزة عرفتي إني بحب واحدة واتجوزتها من غير ما تعرف، وأجرت شقة، أهلها طردوني ورفضوا جوازي منها، كانوا شاكين فى سلوكي ولما عرفوا إني متجوز واحده كبيرة في السن قد أمي، اتهموني بالطمع وبيع نفسي عشان المال". وتابع " زواجى من "إيمان" لم يكن هدفه الأطفال "كنت عاوز عروسة صغيرة تدلعني، وكنت بهرب من مراتي الأولى عشان اروح عندها ومكانتش تعرف إني متجوز عليها، أول ما إيمان خلفت بنتي ملك بعد سنة ونص من الجواز فرحت جدا، وقتها مراتي الأولى عرفت واتخانقت مع إيمان وبدأت الخلافات العائلية.. وقبل رمضان 2016، بدأت مراتي الأولى تشككني في نسب بناتي، وتقولي إنّ مراتي التانية بتخونّي والعيال مش عيالي، الشيطان سيطر عليا ورحت الشقة وضربت إيمان، وكان معايا مراتي الأولى، ولقتها بتطلب مني أقتل عيالي بقصد الشرف والتخلص من العار، وبعدها عدلت الفكرة وطلبت من إيمان تغرّق (ملك وجنا)، ووافقت مقابل إني مطلقهاش واطردها من الشقة خوفا من أهلها". وأضاف : "أيوا شاركت في قتل بناتي وابني، مكنتش في وعيي، الشيطانة مراتي الأولى خلتني أقتلهم، وأجبرنا أمهم تغرقهم، ورمينا الجثث في الرشاح، وبعد سنة من قتل (ملك وجنا)، إيمان حملت في ابني الثالث (محمد)، أنا فاكر بكاه لما كان عنده 4 شهور، وخليت أمهم تقتله زي ما قتلت إخواته، ورميت جثته في الرشاح، بعدها كرهت إيمان وكنت بضربها ديما وبحط كلور في عنيها لحد ما عميّت، وبدأت تشتغل في التسول".