عبر حسابه الخاص على موقع فيس بوك علق المنتج محمد السبكي على وقائع التعذيب التي شهدها دار مكة لرعاية الأيتام والتي عذب من خلالها رئيس الدار الاطفال الأيتام وقال السبكي: "بخصوص الراجل اللى بيعذب الاطفال فى دار الايتام انا ليا وجهة نظر مختلفه احنا اللى خلينا الراجل ده كده ازاى؟ تبرعات سيادتكم اللى بتروح للأماكن دى عمال على بطال وانتو مش عارفين هى رايحه لمين كل اللى يهمك انك اتبرعت وخلصت اللى عليك والنتيجه الاماكن دى مليانه تلاجات وغسالات ومراوح وتكييفات وتلفزيونات واكل ولبس بيروحوا لواحد زى البغل اللى فى الفيديو اللى ماسك العيال وبيضربها والاطفال المساكين دول ولا بيستفيدوا بحاجه ولو حد فيهم فتح التلفزيون يتفرج على كرتون يتمرمط على اساس ان البغل ده هو اللى شارى التلفزيون من جيب ابوه واماكن تانيه التبرعات بتروح على الحيطان والزجاج والسيراميك اشي زجاج من فرنسا واشى سيراميك من ايطاليا والعيل يروح عشان يتعالج ميلاقيش سرير اصل الفلوس كلها راحت على الأرض والسقف والحيطان نصيحه للمليونيرات اللى معايا هنا ودى فلوسك للاطفال نفسهم مش للبيضرب الاطفال ويعذبهم وياكل أكلهم".