طالب المواطنون بضرورة الاهتمام بمنطقة كوبرى أبوعميرة اللى أصبح سوق دلوقتى كله باعة جائلين وبلطجية دا غير اللى بيشربوا مخدرات وقرف وفى بنات بتعدى السكة الحديد وبتتعرض أنها تشم ريحة زى دى وكمان دا غير الزبالة اللى موجودة بصراحة بقت حاجة تقرف دول شوية بلطجية واستنكروا غياب الأمن .. هو الأمن فين حضرتك مش قادرين على الشوية دول!!!! ياريت البلد ترجع نظيفة زى الأول ... وقال آخر : ماذا فعلت المحافظة في برنامج الإسكان المقرر تسليم الشقق منذ أربع سنوات ولا زال متوقفا .. واستغاث آخر : حلو المشكلة اللى تحت الكوبرى الجديدة أبوس أيدكم بنقف فى السرفيس هناك نص ساعة وأنا مروح على الزراعة الباعة المتجولين فارشين فى كل مكان والتكاتك فى كل جزء .. وطالب آخر : طريق الأحرار امتى هيترصف بعد ما حفرتوا وركبتوا المواسير وسبتوه كده متبهدل والطريق متكسر وطالع عينه وتراب وبهدلة واللى يمشى من هناك يتبهدل تراب .. وقال إيهاب : متى سيتم القبض على ميلشيات سرقه السيارات الموجودة بالمحافظة ..؟؟ وقال سلامة محمود : حيث أن المحافظة تتمتع بثروة قيمه في الزراعة والصناعة ومدن صناعية كالعاشر هل هناك فكرة لجعل المحافظة ولاية منعزلة عن الدولة اقتصادياً لكي تزدهر وتكون قادر علي توفير فرص العمل . والسير علي خطى محافظات القناة .؟؟ وطالبت أمة الله : أرجومن المحافظة الاهتمام بنا وبتلبية متطلبات أبناء محافظة الشرقية وبطلب من البشمهندس محمد عزت تلبية نداء أبناء قرية الصنافين إحدى قرى مركز منيا القمح بل ومن اكبر قرى منيا القمح مساحة مشروع الصرف الصحى بالقرية تم البدء به منذ أكثر من 4 أو 5 سنوات ولكنه متوقف تقريبا من بدء الثورة والمشروع وصل لمرحلة لا باس بها ولكن نريد أن ينتهى ويشتغل بقى والبلد تبقى فى نظافة شوية البلد غرقانة من الصرف الصحى بها ومتبهدلة لدرجة كبيرة جدا والبيوت مدمرة من المجارى والشوارع أرجوا من المحافظة الاهتمام بالأمر وتلبية النداء وهناك أمر آخر تم بناء سهاريج مياه جديدة بالقرية غير انه لم يتم التشطيب النهائى ولم تشتغل هذه السهاريج الجديدة والبلد تعانى من تلوث شديد بالمياه لدرجة نسبة أمراض الفشل الكلوى والسرطانات بالبلد ارتفعت لنسبة عالية فضلا عن الاصابة بامراض أخرى كثيرة كالأملاح على الكلى وغيرها من الأمراض فارجوا أن يصل طلب أبناء القرية إلى المحافظة وأن يوضع فى الاعتبار ويتم التنفيذ عن قريب واستكمال هذه المشاريع بالقرية لنقذ قرية بها آلاف السكان وجزاكم الله خير الجزاء .. وفيما يخص كفر صقر قالت هدى النادى : بالنسبة لمركز كفر صقر يوم الاثنين دايما في سوق وعلى مدخل البلد والطريق مسدود والمرور ببقى واقف لازم يتنقل السوق ده في أرض فاضية كبيرة مينفعش أنا كل ما أسافر يوم الاتنين بقعد ساعة بالضبط عشان أطلع من الحتة دي ومفيش أي مخرج تاني --- بالنسبة بقى للمزلقان كفر صقر مش هعلق ولا هوصفه لازم حد من المسئولين يجي يشوف بنفسه قبل ما تحصل كوارث ويرجعه يقولوا مقولتوش ليه ....