حلت الراقصة دينا، ضيفة على برنامج "كلمة أخيرة" الذي تقدمه الإعلامية لميس الحديدي، علي قناة "ON". وأعربت دينا عن عشقها الشديد للرقص، مؤكدة أنها لن تقدم على خطوة الاعتزال مطلقًا، مُشيرًا إلى أن الرقص الشرقي جزء لا يتجزأ من حياتها.
وتابعت: "أنا بعشق الرقص وده أكبر حب بالنسبة ليا بعد علي ابني، لسة بخاف قبل ما أطلع على المسرح ولما بعمل فستان أو بدلة جديدة ببقى عايزة أعرف رأي الناس وهل أنا صح ولا غلط، وبخاف على جسمي إنه يتغير علشان الرقص، الرقص هو حياتي ومش بعرف أعيش من غيره".
واستكملت حديثها قائلة: "كان لازم ألاقي بديل لما أوقف رقص مباشرة، وبدأت أمرن رقص في مصر وبستمتع بالرقص طول الوقت، ومش معقول أبطل رقص مش هعرف لأنه جزء من تكويني وحياتي، وأنا متعودة ماكلوش من 6 ل 8 ساعات قبل الرقص".
دينا تكشف عن عدد زيجاتها
وكشفت الراقصة دينا، عن عدد زيجاتها، موضحة: أنا تزوجت 9مرات، وأقل جوازة قعدت سنة وأكتر جوازة قعدت 5 سنين وشوية، وزوجي سامح ربنا أراد إني أقعد معاه سنتين.
وردت لميس: "مش كتير يا دينا"، لترد: "لا مش كتير، أنا بتنافس مع تحية كاريوكا هي اتجوزت 13 مرة".
أما عن أقرب زيجاتها لقلبها، فقالت: "أكتر حد حبيته شخص مش معروف ومكملناش مع بعض عشان الظروف وعشان مهنتي صعبة، وببدي المهنة على الحياة ودي وجهت نظري، ولو أنا تنازلت عن حاجة بحبها هطلب في المقابل حاجات كتير محدش هيقدر يعملها والحجم اللي هيبقى سيباه هيبقى كبير أوي.
وأضافت: "حرام أظلم حد وأقول هيعوضني ومحدش هيعرف يعوضني ومش هبقى دينا هبقى واحدة تانية مكسورة متاخد منها حاجة، زي الأم اللي متاخد منها ابنها ومحدش هيعرف يعوضني عن الرقص".
وأضافت: "قبل الجواز بقول لزوجي أنا مش هسيب الرقص وأول ماتزهق متصاحبش حد تعالي قولى وأنا أمشي".
واستكملت: "أنا اتخنت كتير عشان أنا مش فاضية، كان زمان شغلي من 9 بالليل ل 6 الصبح بعرف إني اتخنت ومش بواجه أنا بمشي، لو عايزة أكمل هكمل ولو عايزة أمشي همشي بس أنا بفضل أمشي، ومش بندم ع القرار ده لأني باخد القرار بعد ماستنزف طاقتي".
