قالت عبير، والدة طفلة المعادي المعتدي عليها، إن زوجها "أخرس"، ويعمل "سايس"، متابعة: "البنت أول مرة تنزل مع والدها الشارع، هي متعلقة بيه، وكان معاها إخواتها". وتابعت خلال حوارها مع الإعلامي شريف عامر، ببرنامج "يحدث في مصر"، المذاع على فضائية "إم بي سي مصر"،: "البنت محكتليش عن أي حاجة قبل ما نعرف بالواقعة، ومعرفتش غير بعد انتشار الفيديو". واستكملت: "زوجي بيشتغل يوم وعشرة لا، وعندي 6 أبناء، أكبرهم 12 عامًا و"مخطوبة""، معلقة: "حاسة إني في حلم ومش عارفة أصحى منه". وكشفت عبير، والدة طفلة المعادي المعتدي عليها، تفاصيل الواقعة وفقًا لرواية ابنتها، قائلة: "قالي تعالي ورايا ودخلني في حتة وكان عايز يعملي حاجات وحشة لولا إني لقيت واحدة بتقوله بتعمل إيه طلعت أجري، وعيطت". وأضافت: "البنت عندها 7 سنين، إزاي يبصلها، معندوش أحفاد ولا ولاد"، متابعة: "المتهم بالتحرش هدد زوجي بعد التحقيقات"، موضحة: "عمله علامة بايده على دقنه معناها تهديد وولادي شافوها".