بعث الفنان أحمد السعدني رسالة دعم للشاعر أيمن بهجت قمر، بعد اتخاذه قرارًا باعتزال كتابة الأغاني. كتب السعدني تغريدة عبر حسابه الرسمي على موقع "تويتر" قال فيها: " انت حر تعمل أي حاجة حاسس إنها مريحة بالنسبالك وحر إنك ترجع برضه عن الكلام ده إن شالله بكره الصبح من غير حسابات الناس حتقول إيه لو رجعت كتبت أغاني بعد اللي قلته، إنت حر محدش ليه عندك حاجة واحنا جمهورك بنحبك ومعاك في أي حاجة تخليك مرتاح". وكان الشاعر أيمن بهجت قمر قد أعلن اعتزاله من خلال حساباته الشخصية على مواقع التواصل الاجتماعي المختلفة، حيث قال: "بقالي فترة مش صغيرة بفكر جديا في اللي هقوله دلوقتي، أنا قررت إن أغنية مهرجان هي آخر أغنية أنا هكتبها وخلاص هعتزل تأليف الأغاني، هكتب أفلام مسرح مسلسلات، لكن خلاص هبعد عن مجال الموسيقى، هنتج بس، أنا بقالي 28 سنه بكتب أغاني وطول الوقت في توتر وضغوط عاصرت أجيال كتير من 1992 لحد دلوقتي وخلاص قررت ارتاح من السبق ده". والجدير بالذكر أن مسلسل" فلانتينو "المرتقب عرضه في الماراثون الرمضاني المقبل من تأليف أيمن بهجت قمر، والمسلسل بطولة عادل إمام،رانيا محمود ياسين، إلهام عبدالبديع، دلال عبد العزيز،وفاء صادق،طارق الإبياري، وفاء صادق، محمد الكيلاني،داليا البحيري، هدى المفتي،بدرية طلبة،أحمد فريد، سليمان عيد، والمسلسل من إخراج رامي إمام، إنتاج سينرجي.
