نشر الفنان الشاب محمد رمضان عبر حسابه الخاص بموقع التواصل الاجتماعي "فيس بوك" صورة له بصحبة طفل معجب به ترك منزله في طنطا لمدة 7 شهور ورفض العودة حتى يتسنى له رؤية رمضان. وعلق رمضان: "من الحاجات اللي وجعت قلبي .. شافني امبارح وقعد معايا شوية حلوين واتصورنا واتكلمنا والحمد لله رجع بيته في طنطا". وكانت صفحة "فيصل الان" على "فيس بوك" قد نشرت قصة الطفل التي جاءتها من إحدى رسائل الأعضاء، وفيها "حاله من اغرب ما قابلت !! الطفل ده سايب بيته واهله في طنطا من 7 شهور والكلام ده من الناس اللي شغاله في المحلات اللي جنب مسرح الزعيم قاعد قدام المسرح مستني يشوف محمد رمضان نفسه يشوفه بقاله أكتر من 7 شهور بينام في الجنينه اللي في الشارع ومارضيش يسجل معايا الا لما قولتله اني هانزلهاله ع النت علشان يوصل لمحمد رمضان الولد شكله ابن ناس واكيد اهله دايخين عليه ولو حد من طنطا ممكن يبلغ اهله انه متواجد 24 ساعه قدام المسرح والناس اللي هناك هي اللي بتاكله وتديله فلوس يقدر يمشي بيها نفسه .. هو بيقول مش هايروح لأهله غير لما يقابل محمد رمضان".