أعرب محمد منصور، مدير عام شركة "تالنت" وشقيق المنتج الفني ومنظم الحفلات الشهير وليد منصور، عن سعادته بطرح فيلم "تصبح علي خير" للنجم تامر حسني بدور العرض السينمائية خلال موسم عيد الفطر هذا العام. وكشف "منصور" خلال حواره مع "الفجر الفني" قائلا: "الحمد لله أحنا عملنا فكره جديدة لتامر، وتامر ظاهر بشكل جديد جدا في الفيلم والفيلم فيه جرافيك وفيه حاجات جديدة أول مره تتعمل مع تامر في أفلامه وأن شاء الله متوقعين طبعا مع المنافسة إننا نحقق حاجة حلوة أن شاء الله".
وتابع قائلا: " الفيلم مصنف في جزء غير الاكشن والكوميدي، وعاملين فكرة في الفيلم جديدة وان شاء الله تتحقق وتظهر أبطال الفيلم، وتامر طبعا نجم الجيل وفنان وإنسان ومثال لاي حد يشتغل معاه وعملنا معه حفلات من 10 سنين أو اكتر كمان، ووليد وتامر صحاب من زمان والدنيا قريبة اوي بينهم وأحنا استفادنا منه وهو استفاد معانا نجم ناجح".
على صعيد أخر، كشف "منصور" أنه يتعاون من جديد مع تامر حسني في حفل غنائي سيقام غدًا ثاني أيام عيد الفطر في فاميلي بارك في الرحاب، وهناك حفلات أخري بمارينا".