قالت المهندسة لطفية إبراهيم، والدة الشهيد المقدم أحمد أبوالنجا، إنه استشهد وعمره 33 عامًا، متابعة: "قبل مايموت بيوم كلمني في التليفون وقالي يا أمي إدعيلي استشهد أنا طالع مهمة، قولتله بتوجع قلبي ليه، قالي لو استشهدت هعمل حاجة لوطني لكن لو أصبت مش هعرف أنفع وطني، هو طلبها وربنا نولهاله". واستكملت "والدته"، خلال مداخلة تليفونية ببرنامج "90 دقيقة"، الذي تقدمه الإعلامية مها عثمان، عبر فضائية "المحور" مساء الخميس: "يوم ما هيلاقي ربه هيقوله أنا ضحيت بنفسي ودمي ولحمي علشان أفدي مصر"، معقبة: "ضحى بنفسه وساب ست كبيرة هي مصر وأمه وزوجته وبنته"، مضيفة: "كان بيكتب على كل كرساته وهو صغير أنه عايز يبقى ضابط". ودخلت الإعلامية مها عثمان في نوبة من البكاء، أثناء حديث والدة الشهيد، معقبة: "ربنا يرحمه وهو في مكان أحسن مننا بكتير، وإوعي تفتكري إن مصر أو القوات المسلحة بينسوا أولادهم".