كشفت المطربة شيرين عبدالوهاب، أنها تتعامل مع بناتها دون أي حاجز، وتجيبهم على أي سؤال يقوموا بالاستفسار عنه. وأضافت خلال لقائها في برنامج "صاحبة السعادة" مع الفنانة إسعاد يونس، على قناة "CBC" قائلة: "بناتي بضغطة واحدة على الموبايل هيلاقوا إجابة لأي سؤال على جوجل، عشان كدة من الأفضل إني أفهمهم أحسن، وكنت من قريب بتكلم مع بنتى مريم فى الموضوع ده". وتابعت قائلة: "بنتي الكبيرة هادية ومحترمة لكن الصغيرة شقية، هما شبهي جدا ميني شيرين، واخدين أحلى حاجة من باباهم ومني، وهما بيعزفوا بيانو، وبيلعبوا تنس، سباحة، بالية، أنشطتهم كتير".