قال الإعلامي جابر القرموطي، إلى متى سيتم حل أزمة نقابة الصحفيين مع وزارة الداخلية، مضيفًا: "الرئيس طالما مطلعش بيان يبقى هو مش هيدخل ولو سبنا الأزمة في القانون الكل هيخسر". وأضاف "القرموطي"، خلال تقديمه برنامج "مانشيت"، المذاع على فضائة "أون تي في لايف"، الثلاثاء: "إحنا أمام رئيس دولة بيحاول يحل ووزير داخلية متكبر في الاعتذار، وارجو من قيادات الداخلية السابقين يسكتوا شوية، ارجوكنا بقا انتم بتعملوا استفزاز بدفاعكم عن الداخلية وخلاص وبتقولوا أي كلام ومش بتغلطوا الداخلية في أي حاجة". وتابع: "الخبراء الأمنيين دول مولودين في الثلاثنيات والاربعينات، ودماغهم مقفولة علي كده، ومينفعش اجيبهم يتكلموا عن وزارة الداخلية دلوقتي، واللواءات السابقين دول بيودوا الوزارة لتحت وهما ميعرفوش غير الاستبداد وانا عندي رائد شرطة حالي في الوزارة يطلع يتكلم عن الداخلية احسن مليون مرة من لواء شرطة سابق بيتكلم وخلاص".
واستطرد: "أقول للرأي العام أنه لا حل لأزمة نقابة الصحفيين وأن الحل بعد ربنا في أيدي الرئيس السيسي بس معرفش ليه هو مطلعش اتكلم ولا طلع بيان ومعرفش هو ساكت ليه؟؟".