انتقد الإعلامي جابر القرموطي، بعض الأشخاص الذين توقعوا أن يكون السبب وراء مقتل الشاب الايطالي "جنسي"، قائلاً: "فيه دلوقتي فريقين أمني مصري وإيطالي، وفيه ناس طالعة تتوقع إن الشاب الإيطالي كان شمال أو يمين أو جنسي، والكلام ده هيسيئ للناس دي بره ومش هيسكتوا ومين اللي قال إن الشاب ده مثلي جنسي". وأضاف "القرموطي"، خلال تقديمه برنامج "مانشيت"، المذاع على فضائية "أون تي في لايف"، الأحد: "فيه فريق أمني إيطالي بيحقق وليه كده، هو كلنا بقينا المفتش كرومبو، ومينفعش نسيب المسائلة سداح مداح، وبلاش فتي والكلام ده يشعلل الدنيا ويخلي السفارة الايطالية هنا تجنن وتولع الدنيا هي وأسرة الشاب لما يقولوا الإعلام المصري بيقول إن سبب الحادث جنسي".