أكد الفنان محمد صبحي ان الطفولة فى مصر تحتاج الى وقفة لان الأطفال مهمين فى حياتنا. وأضاف خلال برنامج "مفيش مشكلة خالص" على قناة Cbc قائلا: "هناك أشخاص تتعامل مع الاطفال كأنهم "آتب" فى ظهرهم هيتخلصوا منهم لما يكبروا". وتابع: الاعتذار واجب للطفل المصري، أحنا آسفين لما نعاقب طفل لما يشتم رغم اننا بنشتم عادى، قولنالك لازم تعمل اللى بتحبة وتلاقينا ندخلك لما تكبر الكلية اللى احنا بنحبها، احنا اسفين بنقلك لابد من احترام النظام وكل مكان نروحة نتعرف على المدير عشان لا نتبع النظام، هننتظر اية من طفل ابوة يضربة بقسوة مبررا انه يربية او مدرس مريض يمارس مع الطفل كل وسائل التعذيب وارد اننا نجد هذا الطفل يضرب كلب او قطة لانه لا يتربى على الرحمة، ولما يكبر هيعمل اية مع الإنسان اللى مثله". واشار: زمان تاثرنا لما محمد الدرة اتقتل بخسة وندالة واسفين اكتر من الدرة ل الآن الكردى السورى حصلنا أية ومشاعرنا فى الف درة من ولادنا بيموتوا كل يوم فى العراق وسوريا وفلسطين كإن اكتب على دررنا ان تنفرط من العقد وتموت، والكارثة الكبرى الاطفال من 15 سنة اللى الغرب بيشتريهم ويجندهم ويعلمهم الارهاب ويهينوا الاسلام البعيد عن كل هذا، لازم كل طفل ياخد حقو من حقوق الانسانية.