قال الإعلامي جابر القرموطي، إن الوحيد المتفائل في أزمة سد النهضة هو وزير الري الحالي، مضيفًا: "يا وزير الري لو مش قادر قولنا بدل ما تشيل الشيلة لوحدك وفهمنا ايه الحكاية علشان كل التصريحات الخارجية بتقول انه فيه ازمة في سد النهضة الا انت". وأضاف "القرموطي"، خلال تقديمه برنامج "مانشيت"، المذاع على فضائية "اون تي في"، الأربعاء؛ "إحنا كل يوم بناخد خازوق في أزمة سد النهضة ووزير الري بتاعنا بيضحك علينا"، متابعا: "انا قريت 100 خبر عن اجتماع للدول الثلاث حول ازمة سد النهضة ولكن مفيش اي حاجة بتحصل وكل مرة حجة علشان الوزراء الثلاثة ميتجمعوش ومرة وزير الري بتاعنا يقول انا عندي برد".