أكد المخرج محمد النجار، أن الفنان نور الشريف كان يتميز بثقافته الواسعة في جميع المجالات، وأيضًا أن له الكثير من المواقف التي تدل على أخلاقه. وروى "النجار" أحد المواقف في حفل تأبين الفنان الراحل نور الشريف قائلًا: "الفنان نور الشريف كان موسوعة وأكاديمية، كان بيفهم في الإخراج والتصوير والمونتاج، كان صديق مخلص جدًا بيحب الآخرين جدًا كان فيلم الصرخة الفيلم الوحيد اللي اتصور ساعة حرب الخليج فقرر فريد شوقي أنه ينتج الفيلم فقال أن الميزانية من 40 إلى 50% فكان الكل لازم ياخد نص أجر أنا رفضت فجأة الفنان نور وافق وكلمني قالي وافقت عشان حاجة مش واخد بالك منها اننا بنشغلنا وفاتحين بيوت ناس كتير وبنشجع الناس تشتغل".
وأضاف قائلًا: "وبدأنا التصوير من 9 الصبح خلصنا الساعة 10مساءً وقولت للناس بكرة الكاميرا 10 واللي هيجي متأخر همسح بكرامته الأرض وحد من فريق عمل الفيلم تعب وكان فاضل مشهدين فأجلناه لتاني يوم، وأتصلت بنور قولتله بكرة الكاميرا هتيجى 10أنت تيجى 12 عشان فى مشهدين قبلك".