أعربت الفنانة مي كساب، عن غضبها الشديد من تعليقات بعض من الجمهور على حسابتها الشخصية بمواقع الالتواصل الاجتماعي، وقررت غلق جميع الحسابات التي تمتلكها، وكشفت عن الأسباب التي استدعتها لذلك. وكتبت "مي" عبر صفحتها الرسمية على موقع الصور الشهير "إنستجرام": "أنا قررت أقفل أى اكونت ليا على السوشيال ميديا لان احنا شعوب مبنحترمش بعض ولاعندنا ادمية ولا انسانية ولا أخلاق فعلا مسلمين بلا إسلام وكل واحد عامل نفسه قاضى ومش فاهمين ولابنقدر يعنى ايه فنان ولايعنى ايه احترام".
وأضافت قائلة: " كل واحد فاكر لما يكتب كومنت انه كده بنى ادم يعنى وليه شخصية ورأى بجد زهقت من كتر ما بمسح كلام عقيم مريض مش بلاقى مبرر انت مش بتحب فنان داخل تعمله فولو ليه عشان تطلع أمراضك على الراجل يعنى وانا مش هصلح فى الكون ومش هكون حد بارد".
وأنهت كلامها قائلة: "وفى نهاية كلامى أحب اقول ان فى قلة محترمين بنى ادمين حبيتهم جدا من خلال كلامهم الرقيق اللى كان بيأثر فيا جدا ودول اللى هيوحشونى بس وعايزاهم يسامحونى احنا مش فى المدينة الفاضلة".