أشاد الفنان رامي صبرى، بمسلسل "طريقى" للنجمة شيرين، مؤكداً أنه من أفضل الأعمال الدرامية هذا العام. وكتب "صبرى"، عبر حسابه الخاص بموقع التواصل الاجتماعى "فيسبوك": " كنت عايز أقول الكلام ده من بدري، بس قولت أستني آخر رمضان.. مسلسل "طريقي" في رأيي هو أحسن مسلسل في المسلسلات اللي اتقدمت السنة دي، ويمكن يكون في العشر سنين الأخيرة، إخراج، مزيكا، أغاني، منتج محترم، كمان الزمن اللي بيصوروا فيه الدقة إنهم يطلعوه قديم كده شيء رائع".
وتابع: "والمفاجأة الكبيرة جدا صديقة العمر شيرين عبد الوهاب، اللي كنت بحس بيها في كل حلقة وكل مشهد وكل حاجة مثلتها حصلت لها، عشان كده حسيت بيها وكل موقف بيحصل بيتعمل عليه أغنية من صوتها اللي مفيش زيه كتير في الجيل بتاعنا".
وختم حديثه قائلاً: " بجد مبسوط من كل قلبي لنجاح شيرين، اللي كنت خايف أوي عليها إنها متنجحش، بس الحمد لله ربنا كرمها بالناس اللي حواليها واجتهادها ومجهودها اللي بذلته، مبروك صديقتي شيرين".