قال الإعلامى أسامة كمال، إن شبكة "cnn" كشفت عن زيارة للرئيس التركى رجب طيب أردوغان للمملكة العربية السعودية يوم السبت وتأكيد زيارة للرئيس السيسي للمملكة في نفس الوقت. وأضاف كمال، خلال برنامج "القاهرة 360"، المذاع عبر فضائية "القاهرة والناس" أن هذه الزيارة فتح باب تساؤلات عن إمكانية وجود مبادرة سعودية لاحتواء الخلافات بين مصر وتركيا، بعد زيارة العاهل الأردنى الملك عبد الله الثانى لمصر اليوم، قادماً من السعودية. وتابع: "طيب مصر كانت شبه اتصالحت مع قطر اللي هنتكلم عنها النهاردة برضه فأخدنا ايه؟ وهناخد ايه من الإردو لو اتصالحنا معاه؟ أكيد الدول والشعوب مش بتقضيها خصام، بس صلح من بتاع أبوس راسك يا معلم وحقك عليا بس الناس اللي عندي تفضل تسب لك كل يوم وإعمل مش واخد بالك حاجة تضحك". وأشار: "أوعا يكون جلالة الملك سلمان ولا جلالة الملك عبدالله ممكن يكونوا فاكرين إن ديل الإردو ينفع يتعدل بالسهل كدة." وناشد كمال الرئيس عبدالفتاح السيسى لو تم عرض الكلام عليه يفهمهم اننا كشعب الكلام دة مش بيعدي علينا خلاص".