كشفت الفنانة الشابة منة جلال، تفاصيل وكواليس خبر وفاة الفنانة الشابة صفاء مغربي، بداية من مكالمة شقيقتها وحتى كشف اللعبة المصطنعة، تاركة الحكم للجمهور. وكتبت جلال على صفحتها الشخصية بموقع التواصل الاجتماعي فيسبوك : انا لما كلمت صفاء مغربى اكتر من 30 مرة مردتش عليه و بعدين ردت اختها مفهمتش منها حاجة غير عياط و هستريا و بعدين اتفقلت السكة قعدت اتكلم كتير مردتش عليه و بعدين لاقيت رقم صفاء بيطلبنى رديت لقيت اختها قالتلى اختى ماتت قلتلها طب انتو فين قالتلى احنا خرجناها من المستشفى على بيت ماما و انا فى حى الاشجار و بعدين قلتها طب اهدى عشان افهم قلتها طب نجليك فين قالتلى احنا فى البيت . وأضافت: بعدين كلمت احمد الهوارى الصحفى قولتله صفاء ماتت قالى اه اختها طلبته وقالتله صفاء ماتت بجد حسبى الله ونعم الوكيل فى اللى حصلنا انهاردة واللى بدا ياكدلنا الخبر انها ماتت كل الناس و قفل تليفون الاستاذ يوسف شرف الدين و تليفون صفاء بدأنا نشك فروحنا على بيت مامت صفاء اللى فى شبرا قال البواب ان مامتها عزلت من خمس سنين و كتر خير منة بدر تيسر هى اللى وديتنا . وواصلت: وبعدين عرفنا ان فى موضوع راحت ناس عند بيت مامتها فتحت الباب مامتها والناس لاقيت مامتها كويسة وقالت دانا تعبت شوية وسألو عن صفاء مامتها ردت وقالت بنتى لو ماتت كنت عرفت وراحت جيهان قمرى لفت مستشفيات مصر مالقيتش حد باسم صفاء مغربى فعرفنا ان فى لعبة ادينى حكيت القصة و صورتلكو المكالمة احكمو انتو وهايدى سليم ومنة بدر كنا مع بعض فى كل خطوة الحكم عندكو . الجدير بالذكر ان بعض المواقع الإخبارية تداول خبر وفاة الفنانة الشابة صفاء مغربي ثم وفاة والدتها بعد سماع الخبر عن طريق صفحة الفنانة الشابة منة جلال.