قام أمين شرطة على عفيفى على أبو رحمه بإدارة العمليات وشئون الخدمة بمديرية أمن البحيرة بإعداد مشروع إعادة هيكلة جهاز الشرطة: الفكرة العامة : ** إعادة هيكلة جهاز الشرطة بحيث يكون الدخول للعمل فى جهاز الشرطة عن طريق أكاديمية الشرطة وليست كلية الشرطة أو أى معهد أخر وبحيث يشترط حصول المتقدم على مؤهل عالى ( بكالوريوس/ ليسانس ) شريطة أن يكون حاصل على دورة الأى سى دى إل وأن يكون المتقدم للأكاديمية مقيد فى أى من إتحادات رياضات الدفاع عن النفس وممارس لهذه الرياضة ( كونج فو – تايكوندو – جودو – كاراتيه .. إلخ ) وإجتياز إختبارات ( طبى / رياضى / نفسى ) ويلتحق المتقدم بأكاديمية الشرطة لمدة عامين يحتوى برنامج الدراسة على فرقة الصاعقة [ الفرقة الراقية ] ( ثلاثة أشهر ) وعلوم شرطية وعلوم إدارية وعلوم إنسانية وفنون دفاع عن النفس وفرقة غطس وفرقة قيادة مركبات ودراجات نارية ودورة إسعافات أولية وكل ما يلزم من علوم للإرتقاء بمستوى أداء المتقدم حتى يكون مؤهلا للعمل كرجل أمن من الطراز الأول وبعد التخرج سيكون الخريج على رتبة شرطى ثم رتبة عريف ثم رتبة رقيب ثم ملازم وحتى رتبة اللواء بإذن الله ( شرطى – عريف – رقيب – ملازم – ملازم أول – نقيب – رائد – مقدم –عقيد – عميد – لواء ) .
****************************************************** أسباب إعادة الهيكلة : ** إنشاء جهاز شرطة قوى ومتماسك ومؤهل تأهيل عالى جدا ( علميا وبدنيا وخلقيا ونفسيا ) وحتى نتلافى سلبيات النظام القائم حاليا من ظلم وتهميش لبعض فئات الشرطة [ أفراد الشرطة ] , وهنا لابد أن نعترف بأن الأفراد ( أمناء / مساعدين / صف وجنود ) فعلا هم الركيزة الأساسية والقاعدة العريضة وتقريبا فى كل الجهات الشرطية يكونوا بالفعل عصب المكان وذلك لعنصر الخبرة التى يكتسبونها من خلال القيام بجميع الأعمال الشرطية .
****************************************************** الأهداف : ** الارتقاء بمستوى أداء ضابط الشرطة وإنشاء جهاز أمنى قوى للوصول لأعلى كفاءه من خلال النهوض بمستوى رجل الشرطة على جميع المستويات ( علميا , بدنيا , تدريبيا خلقيا ونفسيا ) , وسوف يكون ذلك من خلال الدورة التى يمر بها الضابط بدءا من إلتحاقه بأكاديمية الشرطة وتخرجه وإلتحاقه بالحقل الأمنى من رتبة شرطى وحتى رتبة لواء بإذن الله , وكم الخبرة التى سوف يكتسبها الضابط من خلال قيامه بجميع الأعمال مما يؤهله ليكون ضابط شرطة عالى القدرة والكفاءة , وتحقيق التواجد الأمنى الجيد ومنع كل ما من شأنه الإخلال بالأمن العام .
****************************************************** الخطوات : ** فتح باب التقدم لأكاديمية الشرطة لجميع المصريين من الجنسين " من الحاصلين على مؤهل عالى ( بكالوريوس / ليسانس ) شريطة حصول المتقدم للأكاديمية على دورة الأى سى دى إل , وأن يكون المتقدم للأكاديمية مقيد فى أى من إتحادات رياضات الدفاع عن النفس وممارس لهذه الرياضة ( كونج فو – تايكوندو – جودو – كاراتيه ... إلخ ) وألا يتجاوز عمر المتقدم 25 سنة ميلادية , وإجتياز إختبارات ( طبى / رياضى / نفسى ) ويلتحق المتقدم فى حال إجتيازه جميع الإختبارات بأكاديمية الشرطة لمدة عامين يدرس خلالها جميع العلوم والفرق والدورات التى تؤهله للعمل فى جهاز الشرطة على رتبة شرطى والتدرج حتى رتبة اللواء كالتالى :-
رتبة شرطى : عامان شكل الكتافة : شعار الشرطة زائد شريط بعرض الكتافة رتبة عريف : ثلاثة أعوام شكل الكتافة : شعار الشرطة زائد شريطان بعرض الكتافة رتبة رقيب : ثلاثة أعوام شكل الكتافة : شعار الشرطة زائد ثلاثة أشرطة بعرض الكتافة رتبة ملازم : عامان شكل الكتافة : نجمة ( دبورة ) رتبة ملازم أول : عامان شكل الكتافة : نجمتان ( دبورتان ) رتبة نقيب : ثلاثة أعوام شكل الكتافة : ثلاثة نجوم ( ثلاثة دبابير ) رتبة رائد : ثلاثة أعوام شكل الكتافة : نسر رتبة مقدم : أربعة أعوام شكل الكتافة : نسر زائد نجمة ( دبورة ) رتبة عقيد : أربعة أعوام شكل الكتافة : نسر زائد نجمتان ( دبورتان ) عميد : أربعة أعوام شكل الكتافة : نسر زائد ثلاثة نجوم ( ثلاثة دبابير ) لواء : حتى بلوغ سن المعاش 60 عام شكل الكتافة : نسر زائد سيفان متقاطعان
** شروط ترقى الضابط أى ما كانت الرتبة الموجود عليها إلى الرتبة الأعلى [ إجتياز إختبارات التناسق ( المظهر العام , وتناسق الطول والوزن ) وكذا إختبار القدرة النفسية على إستمرارية العمل فى جهاز الشرطة , وحصوله على تقدير سرى بدرجة جيد على الأقل فى سنين خدمته فى الرتبة الموجود عليها . ** تسرى هذه الشروط على جميع المتقدمين من الذكور والإناث باستثناء الإناث من فرقة الصاعقة وشرط القيد فى أى من إتحادات رياضات الدفاع عن النفس ( كونج فو – تايكوندو – جودو – كاراتيه ... إلخ ) .
** بالنسبة لضباط وأفراد الشرطة العاملين حاليا :- - كل فرد يحصل على مؤهل عالى ( بكالوريوس / ليسانس ) يتم ترقيته لرتبة ضابط على درجة شرطى ثم التدرج إلى الرتب الأعلى شريطة إجتيازه إختبارى [ التناسق والقدرة النفسية ] وحصوله على دورة الأى سى دى إل . - أما الضباط فسيتم إحتساب فترة عمله من تاريخ تخرجه من كلية الشرطة ووضعه على الرتبة التى تناسب الفترة التى قضاها فى وزارة الداخلية بالنسبة لترتيب الدرجات ( شرطى – عريف – رقيب – ملازم – ملازم أول – نقيب – رائد – مقدم – عقيد – عميد – لواء ) شريطة إجتيازه أيضا إختبارى [ التناسق والقدرة النفسية ] وحصوله على دورة الأى سى دى إل . ****************************************************** النتائج : ** الوصول لمستوى أمنى عالى جدا عن طريق حسن الإختيار والتدريب الجيد لضابط الشرطة أثناء دراسته بأكاديمية الشرطة وطيلة عمله بجهاز الشرطة بالإضافة للخبرات والقدرات والمهارات التى سوف يكتسبها الضابط من الدراسة والتنفيذ العملى مما سوف يؤهله لكى يكون ضابط ناجح ثم مستقبلا قائد ناجح نظرا لقيامه بجميع الأعمال الشرطية واكتسابه الخبرة الفعلية من خلال تدرجه بجميع الأعمال الشرطية .. حيث أنه سوف يكون أقل مستوى تعليمى ( بكالوريوس / ليسانس ) وأقل مستوى تدريبى ( فرقة الصاعقة ) والمحافظة على هذا المستوى من خلال الإختبارات الدورية على جميع المستويات . ** التغلب على عيوب النظام القائم حاليا من إحساس أفراد الشرطة ( القاعدة العريضة من جهاز الشرطة ) بالظلم بأنهم محرومين من إمتيازات كتيرة بيحظى بها ضباط الشرطة وأثر هذا الإحساس فى مستوى الأداء وأثره السيئ فى نفوس العاملين بجهاز الشرطة . ** الشعور بالعدل والمساواه بين جميع العاملين بجهاز الشرطة لأن الجميع سوف يكونوا على درجة ضابط بإختلاف الرتب , ولن يتم تمييز فئة عن فئة لأن الجميع سوف يمر بنفس الدائرة إبتداءً من أحدث رتبة فى الوزارة ( شرطى ) وحتى أقدم رتبة فى الوزارة ( السيد اللواء وزير الداخلية ) .
ملاحظات : ** بالنسبة للمجندين : عندى رؤيتين ( للتجنيد عموما , ولمجندى وزارة الداخلية خصوصا :- - أولا : التجنيد عموما : بعد اللى حصل ايام الثورة وانتشار البلطجيه وظهور اللجان الشعبية واندماج الناس كلها فى انها تساعد فى اللى تقدر عليه سواء فى الاعتصام فى ميدان التحرير أو الاشتراك فى اللجان الشعبية .. بس كانت مشكله قاعدة كبيره من الشباب انه مش عارف يتصرف ازاى او يدافع عن نفسه وعن غيره ازاى وانه لو وقع تحت ايده سلاح يعرف يستخدمه ازاى أو يأمنه ازاى او يعرف ده سلاح فشنك ولا حقيقى , أو لو انضرب نار يكون متعود على صوت ضرب النار او قادر برضه يميز ده صوت حقيقى ولا فشنك , والمشكله فى ده كله ان الشباب ده متعرضش لأى موقف زى ده قبل كده ولو حتى عن طريق التدريب ( تأدية الخدمة العسكرية يعنى ) ... علشان كده بقترح ان لازم كل الشباب يدخلوا الجيش وياخد تدريب لأى موقف من المواقف الصعبة اللى اتعرضنا ليها واللى ممكن نكون لسه بنتعرض ليها لغاية دلوقتى ( الغياب الأمنى وانتشار اعمال البلطجة ) طبعا هيكون صعب ان كل الشباب يدخل الجيش علشان كده بقترح ان كل الشباب لازم ياخد فترة المستجدين واللى تكون مثلا شهرين يقدر يعرف ويتعلم فيهم حاجات كتير , وبعد كده بعد الشهرين يا اما يكمل او ياخد تأجيل حسب الظروف بس بالطريقة دى هيكون الشاب ده إستفاد جدا جدا .. ده كان للشباب ... طيب بالنسبة للبنات واللى اكيد برضه ممكن تتعرض لنفس الظروف اللى هيتعرض ليها الشاب , أنا بقترح مثلا يكون فى جميع مدارس البنات الثانوية حاجه كده زى التربية العسكرية بتاعة الشباب اللى فى مرحلة الجامعة بس تكون فى المرحلة الثانوية لأن مش كل الناس بتكمل لمرحلة الجامعة وتكون دى حاجه أساسية للحصول على شهادة المرحلة الثانوية ويشرف عليها مسئولين من الجيش لضمان الجدية ولضمان الاستفادة الأكبر وطبعا فى الفرقة او الدورة دى هتعرف البنت ازاى ممكن تتصرف فى اى موقف صعب وازاى ممكن تعرف تحمى نفسها سواء فى الشارع او البيت او العمل .
- حاجه تانية مهمة جدا وهى الوقت اللى هيقضيه الشاب فى الخدمة العسكرية وان ازاى الوقت ده ممكن يأثر بالسلب طبعا فى حياة المجند ده , وخصوصا المجند الأمى اللى بيقضى خدمة ثلاث سنوات .. الوقت ده بجد كبير قوى وممكن يوصل ان يدمر حياة الشخص ده .. هوه المفروض انه مكملش تعليمه وعلشان كده اخد ثلاث سنوات بدل سنتين او سنه واحدة , طيب ماهو مكملش تعليمه ده فى الغالب لظروف سيئة جدا مر بيها سواء ظروف مادية او إقتصادية مرت او بتمر بيها اسرته او إجتماعيا مفيش الرعاية او المتابعة الجيدة , وكل ده هوه ملهوش اى ذنب فيه , المشكله الأكبر فى موضوع الثلاث سنوات .. لأ المشكلة بتكون انى باخده للخدمة العسكرية فة مرحلة حرجه جدا فى حياته .. فى مرحلة تكوين حياته تقريبا وانه بيكون مثلا بادئ يتعلم صنعه او فاتح بيت او بيحاول يبدأ حياته وانى بقطعه عن العالم ده كله ثلاث سنوات كاملين وفى الغالب بيكون مفيش حد بيراعى الشخص ده فى الفترة دى ومرتبه أثناء التجنيد بيكون ضعيف جدا ... ده غير طبعا انى لو رميته لوزارة الداخلية لأداء خدمته العسكرية فيها بكون فى الغالب مش رايح يخدم مصر .. ده رايح يخدم واحد او اسرة واحد ( يخدم الضابط اللى معاه او اسرته يعنى ) .. علشان كده بقترح ان اقصى مدة للتجنيد طالما مفيش حالة حرب او اى حالة تستدعى غير كده ان فترة التجنيد دى تكون اقصاها سنة واحدة فقط لا غير .
- ثانيا : مجندى وزارة الداخلية :- - طبعا مينفعش فى أماكن كتيرة فى وزارة الداخلية انى استغنى عن المجند زى مثلا الأمن المركزى او قوات الأمن .. علشان كده بقترح ان وزارة الداخلية متاخدش مجندين من أول خدمتهم , الأفضل يكون انتداب من وزارة الدفاع لمدة ستة أشهر ويكون مش شرط ان المجند ده يكون المجند الأمى الذى لا يجيد القراءة والكتابة . لأ يكون أى مجند لأنه مش هيكون فى عساكر مكاتب ولا حاجه من شغل الإهانات دى تانى .. ده هيكون فى الأماكن اللى فعلا محتاجه مجندين زى ما قلت قبل كده الأمن المركزى أو قوات الأمن , وممكن اشترط للمجند اللى جاى لى يكون بمواصفات معينة او تدريب معين زى فرقة الصاعقة الأولية مثلا ودى بتكون تقريبا شهر تقريبا وبياخدها مجندين كتير من مجندى وزارة الدفاع .
** الملاحظة التانية هتكون لجهاز الأمنى الوطنى ( أمن الدولة سابقا ) واللى دوره إستخباراتى وليس بحثى يعنى المفروض يكون تابع لجهاز المخابرات العامة وليس جهاز الشرطة وده مش تقليل من جهاز الشرطة اللى طبيعته الدور البحثى وليس الاستخباراتى وحتى يتفرغ للغاية الأسمى اللى هى فعلا تحقيق التواجد الأمنى ونظرا لحساسية الكلام فى الموضوع ده الكلام مش هينفع فيه على الملأ كده .
** الملاحظة الثالثة : هتكون لإنتخابات مجلس الشعب واللى المفروض انها تكون أهم إنتخابات فى مصر لأنها هتطلع لنا ناس تناقش كل شئ فى حياتنا وهتحدد أمورنا كلها خصوصا ان النائب ده نائب عن مواطنى دائرته هما اللى انتخابوه طبعا من ثقة أغلبهم فيه وهوه اللى هيمثلهم ولازم التمثيل ده يكون تمثيل جيد , وعلشان كده بقترح ان يكون من شروط التقدم للترشيح لعضوية مجلس الشعب إجتياز دبلومة فى علوم الادارة والقانون ( من غير ما احدد نوع التعليم او كم التعليم للمتقدم للدورة دى .. يعنى ممكن الشخص ده ميكونش حاصل على اى شهادة او مستوى تعليم معين .. اهم حاجه بس يجتاز الدبلومة دى ) وتكون الدبلومة دى فى كل اللى السيد النائب ممكن يتعرض له فى المجلس علشان يكون فاهم كويس هوه بيتكلم فى ايه وبيناقش قوانين إيه , والفكرة دى هيكون لهم ميزتين الأولى ان السيد النائب ده زى ما قلت قبل كده هيكون فاهم هو بيناقش ايه وبيتكلم فى ايه , والميزة التانية انى هحد شوية من الكم الهائل من الناس اللى عايزين يرشحوا نفسهم علشان ميحصلش تفتيت أصوات يكون فى نتيجة حد غير مؤهل كويس للعضوية دى .
** الملاحظة الرابعة : بخصوص منصب المحافظ , وانه فعلا لازم يكون بالانتخاب وده له فوايد كتيرة منها اننا هنشوف فعلا واحد عايز يشتغل بجد لأن الناس هتحكم عليه من خلال أدائه واللى هيضيف له خبرة تؤهله مثلا للترشح لرئاسة الجمهورية
