مساء الخير يا فضفضة بشكركم بجد على الباب ده انا شخصيا ياما فضفضت فيه واتعرفت من خلاله على ناس جميلة ومحترمة جدا .. بجد الباب ده عمل لي احساس بحالة مريحة .. حاسس زي زمان لما كانت أبواب بيوتنا مفتوحة على بعضها والكل حاسس بألفة وأمان عشان جاره واخد باله من عيالة أو جارة متابعة حلة البامية عقبال ما ست البيت تخلص مشوارها اللي في الشارع اللي ورا حاسس أن الباب ده عامل زي باب العمارة اللي كنت ساكن فيها مع أهلي زمان .. عمارة صغيرة لكن مجتمع كامل هادي وبسيط , بشكرك أستاذة نيفين وأدام الله عليك الصحة وراحة البال .. صديق فضفضة أسامة حامد . فضفضة أشكرك أستاذ أسامة وأحمد الله أن فضفضة ملأت قلبك بكل هذه المشاعر الرائعة التي إفتقدنا الشعور بها جميعا منذ زمن بعيد , ما كتبته كان من أروع التشبيهات التي كتبت في حق باب فضفضة .. أشكرك مرة أخرى وتشرفت بك يا صديقي العزيز .
