إنتقدت صفحة أنا أسف ياريس دعاوى البعض إنتخاب الدكتور محمد مرسي رئيس حزب الحرية والعدالة فى الإنتخابات الرئاسية ، مؤكدة أن مصير الثوار القتل ، ضاربة مثلا بما حدث فى كلا من إيران وتونس وغزة. وتابعت عبر موقع التواصل الاجتماعى فيس بوك " لكل واحد عامل فيها ثورى و بيقول انه اه مبيثقش فالاخوان لكن متأكد ان شفيق هينتقم من الثوار ،ارجع كدا لايران وتونس وغزة وشوف الاخوان هناك عملو ايه فالثوار دا مصيركم ". ووجهة الصفحة رسالة إلى المطالبين بالقصاص لدم الشهداء قائلة " يالى ماسكين فى مسلسل دم الشهدا ، ارجع كدا ايام العباسيه و محمد محمود و مجلس الوزرا والمجمع العلمى وبورسعيد وقولى الاخوان جابو دم الشهدا وحقهم ازاى وكانت السلطه التشريعيه كلها فإيديهم". وإتهمت جماعة الإخوان المسلمين بقتل السادات قائلة " يالى بتقول بينا وبين شفيق دم ،قولى بينك وبين الاخوان ايه الى قتلو السادات الى ردلنا كرامتنا و قتلو النقراشى باشا وعاطف صدقى وحتى الطفله شيماء وغيرهم وغيرهم،يالى بتقول عاوزين نعيش فحريه وكرامه ، ازاى هتعيش فحريه وكرامه وانت بتنتخب واحد مرشده قاله "كُن بين يدى مرشدك كالميت بين يدي مُغسله" وتابعت "يالى بتقول عاوزين ديموقراطيه ازاى بتشتم كل واحد انتخب حد مش جى على هواك؟! يالى بتوقل الحزب الوطنى ومبارك،مرسى متقدم للرئاسه ولحد دلوقتى مستقلش من الحرية والعداله يعنى حزب حاكم جديد وإستطردت "يالى بتقول تداول السلطه ، شفيق مقدم برنامج انتخابى ل 4 سنين مرسى مقدم ل اكتر من 17 سنة !! فين عقلك وإختتمت "وفالاخر بردو يسقط يسقط حكم المرشد ويسقط كل مصرى خسيس بيبع البلد بغباوته وعدم تفكيره ،ومدام هتلعبو على حتة الشهدا ورونا هتورو وشوشكم لشهدا 73 الى ماتو علشان البلد وانتو بتسلموها تسليم اهالى و هتحطوا عنيكم فى عين كل ضحيه للاخوان ازاى .